Hayot Foundation loyihasi
Loyiha haqida
Oʻz
Oʻz

Qidiruv

«boʻyli» boʻyicha 139 ta natija

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik Frazeologik
Tildan
Oʻzbekcha Ruscha Inglizcha Qoraqalpoqcha Turkcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Qozoqcha Turkmancha Turkcha

← Barcha natijalar

Lugʻat maqolalari

139 ta · 1-sahifa / 7
boʻyli
Izohli lugʻat · yana 2 ta lugʻatda

sft. Muayyan boʻyi boʻlgan, boʻyga ega.

Baland boʻyli yigit.

Shu payt koʻcha boshida oʻrta boʻyli, qotmadan kelgan bir ayol koʻrindi. — Gazetadan

Kabinetga baland boʻyli, nozikkina, chiroyli bir qiz kirdi. — S. Zunnunova, Yangi direktor

Toʻliq maqola →
boy
Izohli lugʻat · yana 9 ta lugʻatda

sft. 1. Mol-dunyosi, davlati, boyligi koʻp; badavlat, davlatmand.

Boy odam. Faqir piyoda yurar. Boy — tuyada. — Maqol

Chorakor choraklab olar, boy akam — botmonlab. — Maqol

Xoʻjayinning dadasi katta boy edi, mol-mulkni behad yiqqan edi. — Oybek, Tanlangan asarlar

Yoshligimda boylar eshigida qarol-lik qilganman. — Gazetadan

2. Iqtisodiy jihatdan mustahkam, hech narsadan kamchiligi, muhtojligi yoʻq; toʻkis, badavlat.

Yurt boy boʻlsa, uning bozori ham toʻkin boʻladi. — U. Normatov, Talant tarbiyasi

Biz boy ekanmiz, deb qazilmalarning kulini koʻkka sovurdik. — Fan va turmush

3. (koʻpincha joʻnalish kelishigidagi soʻz bilan). Tarkibida, bagʻrida kerakli va foydali narsalar koʻp, moʻl.

Temirga boy ruda. Yeri boyning eli boy. — Maqol

Oʻzbekiston zamini ham maʼdanlarga boy. — Fan va turmush

Bular ham dorivor moddalarga boy, ham ozuqabop oʻsimliklardir. — Fan va turmush

Jiyda gulining atirga boy hidi ufurib turibdi. — X. Toʻxtaboyev, Shirin qovunlar mamlakati

4. Biror narsasi, jihati, xususiyati yetarli darajada, toʻla-toʻkis, bekam-u koʻst.

Boy til. Boy tajriba. Boy kutubxona.

Otasi oʻzining boy kutubxonasi bilan bejiz faxrlanmasdi. — K. Yashin, Hamza

Iskandar havas va taajjub bilan binolarga, boy jihozlarga, ayniqsa nozik sanʼat buyumlariga, eshik va derazalarga nazar tashlab qoʻyardi. — Oybek, Nur qidirib

Oʻtgan har bir kun serzavq, sermazmun, turli voqealarga boy boʻldi. — Gazetadan

Uning xotirasi hayratda qolarli darajada boy va tiniq edi. — Gazetadan

5. s.t. shv. (odatda egalik qoʻshimchalari bilan) Er; turmush oʻrtogʻi.

Boyim uyda yoʻq edilar. Och kishi moy tanlamas, qari qiz boy tanlamas. — Maqol

Aylanayin boyimdan, Kishnoqi shu toyimdan. — Boychechak

Man bildim: ammamning boyi oʻlibdi, Bilsang, ammam yesir boʻlib qolibdi. — Intizor

6. Boylarga murojaatda yoki ular haqida soʻz borganda, ularning nomi oʻrnida yoki nomiga qoʻshib ishlatiladi.

Boy ota! Bu gapni bir aytdingiz, yana qaytib gapirmang! — Hamza, Boy ila xizmatchi

Xushxabarlar mana endi janobingizdan boʻladi-da, boy pochcha. — Hamza, Paranji sirlari

Nihoyat, ichkari hovli eshigi taraq etib ochilib, Mirodilboy koʻrindi. — U. Ismoilov, Saylanma

7. Kishi ismining tarkibiy qismi boʻlib keladi:

Boltaboy. Teshaboy, Joʻraboy.

  • Boy kasal Oʻzi ogʻir boʻlmasa-da, parvarish talab qiladigan yoki shunday parvarish uchun bahona boʻlgan kasallik; shunday kasallikka uchragan odam. Dard degan narsa anoyi bemorni topsa, tanasidan chiqmay oʻtirib oladi. Shuning uchun ham ogʻrigʻining tayini yoʻq bemorlarni boy kasal deyishadi. — Mushtum
  • Boy bermoq 1. Yutqizmoq, mahrum boʻlmoq (oʻyinda, ishda, kurashda, turmushda). Boy berilgan ishga pushaymon boʻlishdan foyda yoʻq. — N. Safarov, Hayot maktabiMening boy beradigan narsam yoʻq, akasi, boy berib boʻlganman. — A. Muxtor, AsarlarQulay fursatni boy bermoq.Shu gʻanimat paytni boy bersak, paxta haqida oʻylashning hojati ham qolmaydi. — S. Ahmad, HukmQanday toʻgʻri kelsa, shunday yashashlik — umrni boy berishlikdir. — Gazetadan
  • Sir(ni) boy bermoq Maxfiy narsani yoki zaif tomonlarini bildirib qoʻymoq. Sir boy berding — bosh boy berma. — MaqolBoʻtaboy endi qoʻrqib ketdi, lekin sir boy bermadi. — A. Qahhor, Qoʻshchinor chiroqlariU sap ogʻrindi, lekin sir boy bermadi. — M. M. Doʻst, Lolazor
Toʻliq maqola →
boylik
Izohli lugʻat · yana 8 ta lugʻatda

ot 1. Boy boʻlishlik, boy mavqeyi; mol-mulkning yigʻindisi, majmui; moʻllik.

Ota boyligi yerga singar, Mehnat boyligi — elga. — Maqol

Bu yigit yaxshigina davlatmand boʻlsa ham nima uchundir, boyligi bilan boʻlmay, Homid xotinboz deb shuhratlangan. — A. Qodiriy, Oʻtgan kunlar

Hovli sahniga, ayvonlarga sep yoʻyildi. Sepning boyligi, turi, rang-barangligi hammani hang-mang etdi. — Oybek, Tanlangan asarlar

Yirikroq toshlar hukmronlik va boylik ifodasi sanalgan. — S. Karomatov, Oltin qum

2. Dunyo, davlat, mol-mulk.

Muhabbat boylikka boqmas. — Maqol

Roʻzgʻor oʻlchov bilan, Boylik tejov bilan. — Maqol

Oʻn olti ming qoʻy, ikki yarim ming yilqi hazilakam boylik emas. — P. Qodirov, Yulduzli tunlar

Boylik bor joyda samimiylik oʻrnini soxtalik egallaydi. — F. Musajonov, Himmat

3. Tabiiy, moddiy resurslar majmui.

Yer osti boyliklari. Moddiy boyliklar. Tabiiy boyliklar. Qazilma boylik.

Endilikda Oʻzbekiston ulkan tabiiy boyliklar, koʻpdan-koʻp noyob sanoat mahsulotlari vatanidir. — Saodat

Oʻlkamiz tabiiy boyliklarini oʻrganish ishiga nufuzli olimlarimiz salmoqli ulush qoʻshmoqdalar. — Gazetadan

Endilikda insoniyatga zarur moddiy boyliklarning uchdan ikki ulush i ayol qoʻli, ayol aql-zakovati bilan yaratiladi. — Gazetadan

4. Aqliy, ruhiy, maʼnaviy faoliyat hosilasi, majmui.

Milliy boylik. Madaniy boylik. Maʼnaviy boylik. Aqldan ortiq boylik yoʻq. — Maqol

Tarixiy va madaniy yodgorliklar — bizning milliy boyligimiz, cheksiz faxrimizdir. — Gazetadan

Xalq oʻz tilini eng ulkan milliy boylik sifatida asrashi kerak. — Gazetadan

Toʻliq maqola →
boya
Izohli lugʻat · yana 5 ta lugʻatda

rvsh. Soʻz borayotgan paytdan birmuncha vaqt oldin; hali; yaqinda.

Boya shivalab yogʻa boshlagan yomgʻir tingandi. — M. Muhamedov, Qahramon izidan

Munira ham, Ahmad ham boya oʻrtalarida boʻlib oʻtgan toʻqnashuvni unutmagan edilar. — F. Musajonov, Himmat

  • Boya(t)dan beri Anchadan beri (soʻz borayotgan paytga nisbatan). Chokar boyadan beri bir nima demoqchi boʻlar, ammo Avazning feʼlini bilganidan tilini tishlab turgandek edi. — S. Siyoyev, AvazJonim bilan, boyatdan beri aytsangiz boʻlmasmidi Oybek, Tanlangan asarlar.
Toʻliq maqola →
boʻyin
Izohli lugʻat · yana 6 ta lugʻatda

ot 1. (3-shaxs birlikda — boʻyni)

2. Odam va umurtqali hayvonlar gavdasining bosh bilan tanani biriktiruvchi qismi.

Oʻgʻrini solsang qoʻyningga, Sirtmoq tushar boʻyningga. — Maqol

Xotin — boʻyin, er — bosh. — Maqol

Tongning mayin shabadasi Nusratbekning boʻyinlarini yoqimli silab-siypaladi. — S. Nurov, Maysalarni ayoz urmaydi

Toʻrtkoʻz boʻrining boʻynidan qattiq tishlab, u yoqqa-bu yoqqa yulqilab koʻrdi. — S. Anorboyev, Hamsuhbatlar

Qora koʻzlari uchqun sochib porlaydi. Koʻkraklar baland. Boʻyni oq marvaridday silliq, lablari ehtirosli. — P. Qodirov, Yulduzli tunlar

3. Baʼzi asboblarning ingichka uzunchoq qismi; boʻgʻiz.

Dutorning boʻyni. Shishaning boʻyni.

Devoriga tolgul va boʻyni uzun oftobaning surati solingan baland ayvon. — A. Qahhor, Qoʻshchinor chiroqlari

Noʻsh etib, uyga kelurman, yerda turmaydur oyoq, Shishalar boʻyni uzilsin, bosh egib qon yigʻlasin. — Habibiy, Devon

4. tex. Oʻq, val va shu kabilarning podshipnikka oʻrnatiladigan qismi.

Val boʻyni.

  • Boʻyin bukmoq Bu dahshatni, ofatni, u, ehtimol, bir taqdir, bir zaruriyat deb tushunganda, balki kamtarlik bilan boʻynini bukkan boʻlar edi. — Oybek, Tanlangan asarlar
  • Boʻyin egmoq (yoki solmoq) 1. Boshni quyi solmoq. Ikkala ot uzoq yoʻl bosib horiganidan, ogʻir boshlarini koʻtarishga majoli kelmaganday, boʻyinlarini egib turardi. — S. Anorboyev, OqsoyEgilgan boʻyinni qilich kesmaydi. — MaqolShunda ham oʻzidan past deb yurgan kishisiga boʻyin eggisi kelmadi. — Oʻ. Hoshimov, Qalbingga quloq solKumush uyalib, zoʻrgʻagina salom berdi va Yusufbek hojining yaqiniga kelib, boʻyin egdi. — A. Qodiriy, Oʻtgan kunlarBoʻyin egib hammasi, Taʼzim qilib turadi. — OysuluvDushmanga boʻyin egma. — MaqolEski raislar boʻyin egarmikan bu yosh juvonga. — I. Rahim, IxlosEshboyev bu takabbur, bezbet bolani boʻyin egishga majbur qilolmagan edi. — Yoshlik
  • Boʻyin qismoq [Otam] Bir kun erimning uzoq sayilga ketganini eshitib, uyimga yetim boladek boʻynini qisib kirib keldi. — M. Ismoiliy, Fargʻona tong otguncha
  • Boʻyin bermoq Boʻysunmoq, gapga kirmoq, koʻnmoq. U birovga boʻyin berishni yomon koʻra-di. — S. Ahmad, UfqIkki yigit chopa kelib, uning jilovidan tutishdi. Qora Baxmal boʻyin bermay, siltab tashlardi. — S. Ahmad, Jimjitlik
  • Boʻyin burmoq Sal norozilik qilib, ishdan boʻyin burganlarning boshi baloga qolar, bundaylarga surgun, badargʻa doim tahdid solib turardi. — K. Yashin, Hamza— Siz, ustod, bir nima desangiz, biz boʻyin burgan emasmiz, — dedi Meʼmorning chehrasi ochilib. — Mirmuhsin, Meʼmor
  • Boʻyin sunmoq Nomardlarga aslo sunma boʻyningni, puch yongʻoqqa toʻldiradi qoʻyningni. — Maqol
  • Boʻyin tovlamoq (yoki tortmoq) Biror ishni bajarishdan, unga qatnashishdan bosh tortmoq. Darvesh Ali qoʻzgʻolonini bostirishga Alisherning oʻzini yuboring. Yo Alisher bu ishdan boʻyin tovlaydi, yo borib, fitnani bartaraf qiladi. — Uygʻun va I. Sulton, Alisher NavoiyBu podshohimizning oliy farmoni, undan boʻyin tovlaydiganlarga u shafqat qilib oʻtirmaydi. — K. Yashin, Hamza
  • Boʻyin toʻlgʻamoq Bizlar bamaslahat nima desak, u boʻyin toʻlgʻamas. — A. Qodiriy, Oʻtgan kunlar
  • Boʻyin qoʻymoq 1. Koʻnikib, biror ishga kirisha boshlamoq. Gʻulomjon soʻnggi kunlarda mehnatga boʻyin qoʻygan boʻlsa ham, endi bundan oʻzi qoniqa olmadi. — H. Nuʼmon, FasllarAshirbek noiloj jiyanlarining gapiga boʻyin qoʻydi. — Yusuf va AhmadBu ishlar xudoning ishi, koʻn endi, Boʻyin qoʻygin Olloning qudratiga. — Yusuf va Ahmad
  • Boʻyni bogʻliq Tutqun, asir; ergashtirib, sudrab yurilgan. Boʻyni bogʻliq it ovga yaramas. — MaqolBoʻynim bogʻliq ham emas, yechiq ham emas. Qamoq boʻlmasa ham, qamoqqa oʻxshaydi. — Oybek, Tanlangan asarlar
  • Boʻyniga 1. Gardaniga, zimmasiga, ustiga. Katta roʻzgʻorning hamma gunohi raisning boʻyniga — Sh. Rashidov, Boʻrondan kuchliBularning barchasi uning boʻyniga qarz boʻlib yotardi. — M. Ismoiliy, Fargʻona tong otgunchaNima uvoli boʻlsa — haq boʻlsin, nohaq boʻlsin — guvohning boʻyniga, deb hukm qilaman. — Luqmoni HakimMen qoʻlimdan kelganini qildim, endi [bolaning] uvoli sizning boʻyningizga — yersiz qoladimi, yetim boʻla-dimi — A. Qahhor, Asarlar
  • Boʻyniga arqon solmoq Majbur qilmoq. Albatta, mening boʻynimga birov arqon solayotgani yoʻq. Tushungan odam [kolxozga] kiradi. — A. Qahhor, Qoʻshchinor chiroqlari
  • Boʻyniga minib olmoq 1. Boʻysundirib, izmiga tushirib olmoq. Erkak boshimni egib, qaytib boramanmi, unaqada xotinim boʻynimga minib oladi. — S. Ahmad, UfqKampir koʻziga yosh oldi: — Oʻgʻilginamning boʻyniga minib olgan bu juvonsoʻxta. — Mushtum
  • Boʻyniga olmoq 1. Oʻz ustiga, zimmasiga olmoq. [Homid:] Basharti shu xizmatni bajarib berishni boʻyningga olsang, ont bilan ayta-manki, davlatimning yarmisi seniki boʻlsin! — A. Qodiriy, Oʻtgan kunlarMargʻuba ogʻirlikni yana oʻz boʻyniga olmoqchi boʻlib turgan edi. — S. Zunnunova, Koʻk chiroqlarVohidovga shipshitib qoʻyishni men boʻynimga olaman. — S. Zunnunova, Yangi direktorBir gap bilan boylab berdim qoʻlimni, Boylogʻliman, boʻynimga oldim oʻlimni. — RustamBiz jallod darrasiga, oq poshsho surguniga, xon boltasiga, toʻralar, boylar kaltagiga chidashni boʻynimizga olganmiz. — S. Siyoyev, AvazSamad, oʻzing gunohingni boʻyningga ol, shunday qilsang, jazong ham yengil boʻladi. — YoshlikBoʻldi endi, aybni boʻynimga oldim-ku axir. — K. Yashin, HamzaHamon aybni oʻz boʻyningizga olmaysiz, astagʻfirullo. — A. Qodiriy, Oʻtgan kunlar
  • Boʻyniga osilmoq Birovga xiralik qilib yopishib olmoq. Buncha mening boʻynimga osilib olding?
  • Boʻyniga tushmoq 1. Gardaniga, zimmasiga, ustiga tushmoq. Basharti majlisdan oʻtkazishsa, boʻynimga katta qarz tushadi. — A. Qahhor, Qoʻshchinor chiroqlariShunday qilib, movut mening boʻynimga tushib turibdi, deng?! — S. Zunnunova, Yangi direktorAyb kimning boʻyniga tushdi?
  • Boʻyniga qoʻymoq 1. Gardaniga, zimmasiga, ustiga yuklamoq, topshirmoq. Men hozir boy bilan gaplashaman, hovlingni oʻzingga qaytartiraman, toʻy xarajatlarini boyning boʻyniga qoʻyaman. — N. Safarov, Tanlangan asarlarkelgan sovchilarning oʻzlariga yoqmaganiga gunohning barini Kumushning boʻyniga agʻdarib javob berar, ammo ikkinchi yoqdan tuzukroq joyni koʻzlar edilar. — A. Qodiriy, Oʻtgan kunlarSalimboyvachcha qogʻozni qoʻlda mahkam siqib, gʻurur bilan davom etdi: —Bu narsa qoʻlimdami, hech kim biron aybni boʻynimga qoʻya olmaydi. — Oybek, Tanlangan asarlarYolgʻon aytmagan boʻlsa, yuzlashtir, boʻynimga qoʻyib bersin! — A. Qahhor, Asarlar
  • Boʻynida(gi) Gardanida(gi), zimmasida(gi), ustida(gi). Uy-roʻzgʻor, mol-hol, bola-chaqa — hammasi Xolisaning boʻynida edi. — S. Nurov, NarvoyKatta singlim Oyshaxon toʻrtinchi sinfda oʻqiydi. Hovlini supurish, idish-tovoqlarni tvish oʻshaning boʻynida. — X. Toʻxtaboyev, Sariq devni minibAvvalo boʻyningdagi qarzingni uz, undan keyin kigiz bilan bigiz soʻra-da. — K. Yashin, Hamza
  • Boʻynidan boylaganday Biror ish-amalni bajarishga majburlik holati; majburan, erksiz ravishda; istab-istamay.
  • Boʻynidan soqit qilmoq Qutulmoq, ozod boʻlmoq. Ular eshaklarni boʻyinlaridan soqit qilish toʻgʻrisida maslahat qilishibdi. — Luqmoni Hakim
  • Boʻyni yor bermaslik Boʻysunmaslik, oʻziga ep koʻrmaslik, istamaslik. Oʻqishga boʻyni yor bermagan Abdusattor yoshligida koʻcha-koʻyda sudralib yurdi. — GuldastaPoʻlatjon Abdurahmonov oʻz ota-onasiga yordam berishdan bosh tortib, kolxozda ishlashga boʻyni yor bermay, tekin tomoq izlab, shaharma-shahar, qishloqma-qishloq daydib yuribdi. — M. Abdullayev, Tekin tomoq
  • Boʻyni yoʻgʻon koʻchma Zoʻravon, mushtumzoʻr; chapani odam. [Oʻgʻlingizning] Boshiga bir musht urib, bir burda qattiq non beradigan bir boʻyni yoʻgʻonga tegmasam, men ham yurgan ekanman. — A. Qahhor, Qoʻshchinor chiroqlari
  • Boʻyni sinmoq Magʻlub boʻlmoq, yengilmoq. Kanizlar esa: — Osimjon soʻzida turolmadi, boʻyni sindi-ku, — deb taʼna qildi,\ar. — J. Sharipov, Xorazm
Toʻliq maqola →
boyok

ot 1. harb. Otish qurollarining oʻq, snaryad pistoniga urilib, uni chaqnatadigan qismi.

2. tex. Bugʻ bolgʻalarining ishlov berilayotgan detalga zarb bilan urilib, uni tegishli shaklga kiritadigan qismi.

Toʻliq maqola →
boyon

ot Boy; boylar.

Boyonlarimizning bari hushyor. Aqli boʻlgani uchun boy boʻlgan-da. — Oybek, Tanlangan asarlar

Hovuz tevaragidagi aʼyon-u boyonlar naqshinkor ustunni quchoqlab turgan sultondan koʻzlarini uzolmas, ular goʻyo ilon sehriga ilingan baqalarday joy-joylarida serrayib qolishgan edi. — O. Yoqubov, Koʻhna dunyo

Toʻliq maqola →
boʻyoq
Izohli lugʻat · yana 5 ta lugʻatda

ot 1. Boʻyash, rang berish uchun ishlatiladigan modda; narsalarga surtilgan shunday modda qatlami.

Akvarel boʻyoq. Moy boʻyoq. Koʻk boʻyoq. Boʻyogʻi koʻchgan idish. Boʻyoqning yaxshisi — boʻzchining boyligi. — Maqol

Toʻrt qadam yurib, sutrang boʻyoqqa boʻyalgan eshik oldiga bordi. — Oʻ. Hoshimov, Nur borki, soya bor

Hozirgacha ishlatilib kelingan organik boʻyoqlar oʻrniga tabiiy boʻyoqlardan foydalanish mumkin. — Fan va turmush

Ochiq platformalarda zangor boʻyoqlari yarqirab tanklar turardi. — I. Rahim, Chin muhabbat

2. koʻchma Nutqni bezovchi badiiy tasvir vositalari.

Gapga boʻyoq bermoq.

Bu sheʼrlarda tabiat yorqin boʻyoqlarda mohirlik bilan chizib berilgan. — Gazetadan

Navoiy yil fasllarining jonli manzaralarini yaratadi, ularni chizish davomida alohida boʻyoqlar qidirardi. — Gazetadan

3. Lab boʻyogʻi, pomada.

Qiz qoshlariga oro berishni tugatib, endi lablariga boʻyoq surtayotgan ekan. — X. Toʻxtaboyev, Shirin qovunlar mamlakati

  • Boʻlar ish boʻldi, boʻyogʻi sindi Kimsaning roziligisiz boʻlib oʻtgan ish-harakat haqida, “endi na chora“, endi pushaymonning foydasi yoʻq maʼnolarida ishlatiladi. — Ke, qoʻy, Qarshivoy! Oʻtgan gapga salovat. Boʻlar ish boʻldi, boʻyogʻi sindi, — dedi Haqqul ota qoʻl siltab. — H. Nazir, Suv gadosi — oqpadar
Toʻliq maqola →
boʻyra
Izohli lugʻat · yana 3 ta lugʻatda

ot Tozalangan qamish choʻpidan toʻqilgan toʻshama.

Eslaringizdami Zokirxoʻja qas-soblar gilam ustida oʻtirganda, biz oʻti-rishga boʻyra ham topolmas edik. — P. Tursun, Oʻqituvchi

Gadoyboy boʻyraga chordona qurib oʻtirdi-da, fotiha qildi. — H. Gʻulom, Feruza

Tolzordagi tepasi boʻyra bilan yopilgan yozlik choyxonada odam uncha koʻp emasdi. — S. Ahmad, Saylanma

  • Bir boʻyra 1. Eni-boʻyi boʻyra hajmicha keladigan. Bir boʻyra yer.uyning orqa devori bir boʻyra eni kesib tushirilgan boʻlib, qorayib koʻrinardi. — A. Qodiriy, Oʻtgan kunlarBir boʻyra yerning pichani oʻrib olinsa, bir mashina chiqaveradi. M. Ahmadjonov, Balli, zarbdorlar!Rixsixon bir boʻyra^ina yerga ekilgan piyozni oʻtoq qilayotgan edi. — S. Zunnunova, Goʻdak hidiBir boʻyra sholi.
  • Boʻyra puli — Chogʻimda, payshanba puli ham, supurgi puli ham, boʻyra puli ham olmasa kerak. Yo olarmikan-a? — Yoʻgʻ-e, oʻlibdimi! — M. Ismoiliy, Fargʻona tong otgunchaHozirgi eski maktablarimizda bolalar har payshanba non yoki nonning pulini olib boradilar. Bundan boshqa boʻyra puli, koʻmir puli., ham bor. — Oybek, Tanlangan asarlar
Toʻliq maqola →
BOYUZ

oʻzbekchaboʻgʻiz, oshqozonruschaгорлоinglizchathroat

Boyuznï ködäzgil halal yegil az Bo‘g‘izni ehtiyot qil, halol va oz (ovqat) yegin – Береги горло, ешь дозволенное и помалу – Take care of your throat, eat well and slowly

Toʻliq maqola →
boyagi
Izohli lugʻat · yana 5 ta lugʻatda

rvsh. Boya, hali sodir boʻlgan, boya yuz bergan, koʻrilgan, eshitilgan; haligi.

Zokir ota xolaning boyagi shikoyatini eslab, koʻnglidagi gapni aytolmadi. — Guldasta

Anvar kuldi. Ammo bu kulish uning boyagi kulgilaridan tamoman boshqa, yaʼni baxtiyorlik kulgisi edi. — A. Qodiriy, Mehrobdan chayon

Yomgʻir boyagidan ancha tezlashgan boʻlsa.-da, osmon yorisha boshlagan edi. — S. Karomatov, Oltin qum

  • Boyagi-boyagi — boyxoʻjaning tayogʻi Hech oʻzgarishsiz, oʻzgarmagan, qanday boʻlsa, shunday qolavergan. [Olimning] Boshini ikkita qilib qoʻyishsa, ochilar degan edim, boyagi-boyagi — boyxoʻjaning tayogʻi. — H. Nazir, Qanotlar
  • Boyagi-boyagi(day) Eskicha, avvalgidek, oldingidek, oldin qanday boʻlsa shunday. Butun oila aʼzolari uch kungacha bir-birlariga toʻrsayishib yurishdi. Roʻzgʻorchilik emasmi, yana boyagi-boyagi boʻlib ketishdi. — S. Ahmad, SaylanmaBarvasta yigit boyagi-boyagi sipolik bilan iljaydi. — Yoshlik
Toʻliq maqola →
boydoq
Izohli lugʻat · yana 5 ta lugʻatda

ot tar. ayn. Baydoq 2.

Shaharda moʻgʻul boydoqlari gʻalayonchilarga zarba berishga jurʼat eta olmadilar. — Yoshlik

Boydoq-boydoq bundan lashkar boribdi. — Alpomish

Toʻliq maqola →