Поиск

sft. Muayyan bahoga, narxga ega boʻlgan; baho, narx qoʻyilgan; qimmatbaho.

ot 1. Biror narsaning pul bilan oʻlchanadigan qiymati; narx.

Yuqori baho. Past baho. Chakana baho. Bozor bahosi. Kelishilgan baho. Qatʼiy baho. Uydagi narxni bozordagi baho buzar. — Maqol

Otimning oʻmildirigʻiga ularning havasi kelib, bahosini soʻradilar. A. Qodiriy, Kichik asarlar.

2. koʻchma Ahamiyat, mohiyat, qadr-qimmat.

Bizda suvning bahosi oltinga teng.

3. Taʼlim tizimida oʻquvchilarning bilimni oʻzlashtirishi, axloqi yoki maʼlum yutuqqa erishish darajasiga qarab qoʻyiladigan ball.

Besh baho. Qoniqarli baho.

Endi maktab boraman, Besh bahoni olaman. Onamni quvontirib, Shokoladni olaman. — Boychechak

Nutqi ravon bolalarning baholari koʻpincha yuqori boʻladi. — Saodat

Bu baholar bilan institutni orzu qilmasa ham boʻlardi. — S. Siyoyev, Yorugʻlik

Qudrati, qurbi yetgancha, qoʻldan kelgancha, imkoniyat darajasida.

Baholi qudrat dasturxon yozilgan. — A. Suyun, Olis tonglar

Xonim, qirq yildirki, eshigingizda baholi qudrat xizmat qilayotirman. — S. Siyoyev,Yorugʻlik

U adolat va haqiqat uchun baholi qudrat kurashadi. — Yoshlik

ot 1. Yildagi toʻrt faslning biri, qishdan keyingi, yozdan oldingi fasl; koʻklam (yilning mart, aprel, may oylariga toʻgʻri keladi).

Erta bahor. Bahor quyoshi. Bahor shamoli. Daryo suvini bahor toshiradi, Odam qadrini mehnat oshiradi. — Maqol

U [Gulnor] bu kun shod, bahor uning nashasiga nashʼa, goʻzalligiga goʻzallik qoʻshgan. — Oybek, Tanlangan asarlar

Bahor joy tanlamas ekan. — Oʻ. Hoshimov, Qalbingga quloq sol

2. koʻchma Har narsaning (umrning, hayotning) yashnagan, kamolga yetgan payti, shunday chogʻlar ramzi.

Umr bahori. Hayot bahori. Sevgi bahori. Yaxshi xotin — hamisha bahor. — Maqol

Shu yerdadir mardlik, jasorat, Shu yerdadir hayot bahori. Yo. Mirzo, Oʻgʻil mehri.

Axir yoshimiz ketyapti, umr bahorimiz oʻtib, kuzimiz yaqinlashib kelyapti, Hayotxon! — M. Ismoiliy, Fargʻona tong otguncha.

Gʻulomjonning koʻnglida yayragan quvonch bahori koʻzlarida javlon urdi. — M. Ismoiliy, Fargʻona tong otguncha

3. koʻchma Umrning maʼlum qismi, muddati, yoshi.

Bizning Narzimiz oʻzining yigirmanchi bahorini xuddi shu Moldaviya yerida qarshi oldi. — N. Safarov, Olovli izlar

Baxtli qizim, men oʻylab boqsam, Ikki bahor koʻribdi yoshing. — Yo. Mirzo, Oʻgʻil mehri

4. koʻchma Quvonch, shodlik, baxt.

Ishqingda men bahorlar topdim, Bahor ichra nahorlar topdim. — H. Olimjon

Sizda boʻlgan umid, ishonchlar, Kunlar kelar, yaratar bahor. — Gʻayratiy

5. koʻchma Sevgi, muhabbat; umid.

Kimningdir koʻnglida bahor gulladi. Kimdir kimgadir intizor boʻldi. — Oʻ. Hoshimov, Qalbingga quloq sol

6. koʻchma Sevgili, maʼshuqa, goʻzal yor.

Gullagan bahorim, seni sevaman. — U. Ismoilov, Saylanma

Soʻldimikan gul chechakli bahorim, Ham qishimdan, ham yozimdan ayrildim. — Nurali

Xazon etmoqchi boʻlmish, ajratib fasli bahorimdan. — Guldasta

7. Bahor (xotin-qizlar ismi).

ot tar. 19-asrning oʻrtalarida Erondagi bobiylar (bobiylik) harakatining davomi sifatida Iroqda vujudga kelgan diniy-siyosiy oqim va ushbu oqim tarafdori.

ot 1. Biror harakat yoki niyatni amalga oshirish yoki oshirmaslik uchun oʻylab topilgan soxta, asossiz sabab; vaj, dastak, roʻkach.

Bahona qilmoq.

Gulnor Yoʻlchiga soʻzlashga botinmas, soʻzlashuv uchun biron bahona, sabab qidirishga tirishar edi. — Oybek, Tanlangan asarlar

Men unga roʻyxush bermay yurdim. Shunday boʻlsa ham, hali uni bahona qilib, hali buni bahona qilib kirib yurdi. — A. Qahhor, Xotinlar

2. Boshlangʻich sabab, bois.◆

[Boy Gʻofirga:] Toʻy bahonasida mendan senga oʻtib qolgan arzimagan narsalar bor, shularni pulga chaqib, orani ochiq qilib qoʻysak, degan edim. — Hamza, Boy ila xizmatchi

[Fotimaning] Amakisi qizga kiyim-kechak bahonasi bilan uning otasidan qolgan bor bisotini sotdi. — P. Tursun, Oʻqituvchi

Kengashboyning suhbati bahona boʻldi-yu, Ubay oʻylanib qoldi. — Oʻzbekiston qoʻriqlari

яровой

sft. 1. folk. Jismonan qudratli, pahlavon; devqomat.

Rustam baland boʻyli, keng yelkali, bahodir yigit boʻlib yetishibdi. — Ertaklar

Bahodirlar bu maydonda Turish bermoqqa havasda. — Gulshanbogʻ

2. Hech narsadan hayiqmaydigan, dovyurak, botir; himmatli.

Vatanparvar, jangovar boʻl, hushyor boʻl, Bahodir boʻl, xalqing bilan hamkor boʻl. — Habibiy

Hosil jonkuyarlari va yaylov bahodirlari safida koʻplab mardi-maydonlar bor. — Gazetadan

3. koʻchma Qudratli, ulkan, azamat.

Bu yaltiroq koʻzli, qop-qora uzun gavdali, poʻlat bahodir (poyezd) oʻz bagʻrida butun bir hayot olib kelmoqda. — P. Tursun, Oʻqituvchi

4. Bahodir (erkaklar ismi).

sft. 1. Bahorga, koʻklamga oid, bahorda boʻladigan, bahorga moʻljallangan.

Bahorgi ekinlar. Bahorgi toshqin. Bahorgi begʻamlik — kuzgi pushaymonlik. — Maqol

Bahorgi harakat — kuzgi barakat. — Maqol

Navroʻzi olam oʻlkamizga tashrif buyurgandan beri, barcha bogʻlarda bahorgi ishlar qizib ketdi. — Gazetadan

2. ayn. Bahori.

Bahorgi ekinlar. Bahorgi gʻalla.

sft. 1. Bahorda ekilib, shu yilning yozida yetiladigan (asosan, don ekinlari haqida).

Bahoriy gʻalla. Bahoriy ekinlar.

bahori gʻalla maysalari inson mehnatining moʻjizakor qudratini koʻz-koʻz qilib turibdi. — Nazarmat, Joʻrlar baland sayraydi

Allof bahori arpa oʻrniga kuzgisini bergan ekan. — S. Ayniy, Esdaliklar

2. Koʻklamga mansub, xos; yashil, yam-yashil

Doʻstimdir pishqirgan bahoriy sellar, Ohudek talpingan oʻynoqi yellar. Gazetadan.

Qanotini kamalak qilib, charx uradi bahoriy qushlar. — Sharq yulduzi

Bahoriy libos kiygan baxmal choʻl oʻziga sayqal bergan fidoyilarni unutmadi. Gazetadan.

Uyga kirib, bahoriy rang kostyumini kiydi. — S. Anorboyev, Oqsoy

3. koʻchma Bahorday yosh, navqiron; musaffo.

Quyosh vasli bahoriy hayot Inson mehri bilan oshnadir. — N. Narzullayev

Bu koʻzlarda tuygʻunlik, olijanoblik, koʻngilning bahoriy tozaligi, iliqligi jilvalanar edi. — Oybek, Tanlangan asarlar

sft. 1. Bahosini, qimmatini hech belgilab boʻlmaydigan, bahosi yoʻq; bebaho.

E-e, nimasini aytasan, bahosiz odam edi-ku! — S. Anorboyev, Oqsoy

Odam tuxmi koʻrsa, qolmaydi qaror, Zulfiga bogʻlagan bahosiz gavhar. — Bahrom va Gulandom

2. Bahoga ega boʻlmagan, baho olmagan.

Baʼzi bahosiz oʻquvchilarning chorak bahosini chiqarish muammo boʻlib turibdi.

ot ayn. Bahoiy.

estimate, appreciation, valuation, price, estimation, assessment, appraisal, evaluation, mark

ot tar. Bahoiylar taʼlimoti, bahoiylik harakati.

fl. 1. Narx qoʻymoq, pulga chaqmoq.

Dadasi qazo qilganda, Maxsumning otasidan qarz koʻtarib koʻmibdi. Echkisini, yerini baholab, qarziga oʻtkazibdi. — S. Anorboyev, Oqsoy

2. koʻchma Narsa, hodisa yoki harakatga baho bermoq, uning ahamiyati, qadr-qimmati haqida fikr bildirmoq.

Qilmagan xizmatimni shunday yuksak baholadingiz. — Shuhrat, Shinelli yillar

oʻzini bilgan odam bu gunohni katta jinoyat deb baholaydi. — A. Qahhor, Qoʻshchinor chiroqlari

Ilmiy kengash kashfiyotimni koʻrib chiqib, yaxshi baholadi. — X. Toʻxtaboyev, Shirin qovunlar mamlakati

ot Hadeb har narsaga bahona, vaj topaveradigan, vaj koʻrsataveradigan.

Bahonachi odam. Juda bahonachi boʻlib ketyapsan-da! Ha, bahonachi, yana qanday bahona topib kelding?

sft. Bahori ekinlarga moʻljallangan, bahori ekinlar ekiladigan; sugʻorilmaydigan.

Bahorikor yerlar. Bahorikor dehqonchilik.

Bahorikor yerlarga ekiladigan ekinlar orasida zarur miqdorda yem boʻladigan don ekinlari boʻlsin. — Gazetadan

Toshxoʻja oʻylab turdi-da, ogʻilxonadan qari biyasini egarlab chiqib, bahorikor qirlar tomonga yoʻrttirib ketdi. — A. Muxtor, Chinor

n pricelessness

ot Jasurlik, mardlik, jasorat.

Bu sohibjamol qiz [Badia] oldida ot oʻynatib, bahodirligini namoyish qiladigan xudodod beklar qani? — Mirmuhsin, Meʼmor

Bahodirlik daʼvo qilib yurardim, Dushmanlarga shoʻr gʻavgʻolar solardim. — Malikayi ayyor

Yov ichiga yorib kirgan jangchilarimiz mislsiz bahodirlik koʻrsatdilar. — Nazarmat, Joʻrlar baland sayraydi

ayn. Bahodirlarcha.

Bahodirona jang. Bahodirona mehnat.

Choʻlquvarlarning bahodirona yurishi ulugʻ adib koʻz oldida yuz berayotgan edi. — Oʻzbekiston qoʻriqlari