bahor

ot 1. Yildagi toʻrt faslning biri, qishdan keyingi, yozdan oldingi fasl; koʻklam (yilning mart, aprel, may oylariga toʻgʻri keladi).

Erta bahor. Bahor quyoshi. Bahor shamoli. Daryo suvini bahor toshiradi, Odam qadrini mehnat oshiradi. — Maqol

U [Gulnor] bu kun shod, bahor uning nashasiga nashʼa, goʻzalligiga goʻzallik qoʻshgan. — Oybek, Tanlangan asarlar

Bahor joy tanlamas ekan. — Oʻ. Hoshimov, Qalbingga quloq sol

2. koʻchma Har narsaning (umrning, hayotning) yashnagan, kamolga yetgan payti, shunday chogʻlar ramzi.

Umr bahori. Hayot bahori. Sevgi bahori. Yaxshi xotin — hamisha bahor. — Maqol

Shu yerdadir mardlik, jasorat, Shu yerdadir hayot bahori. Yo. Mirzo, Oʻgʻil mehri.

Axir yoshimiz ketyapti, umr bahorimiz oʻtib, kuzimiz yaqinlashib kelyapti, Hayotxon! — M. Ismoiliy, Fargʻona tong otguncha.

Gʻulomjonning koʻnglida yayragan quvonch bahori koʻzlarida javlon urdi. — M. Ismoiliy, Fargʻona tong otguncha

3. koʻchma Umrning maʼlum qismi, muddati, yoshi.

Bizning Narzimiz oʻzining yigirmanchi bahorini xuddi shu Moldaviya yerida qarshi oldi. — N. Safarov, Olovli izlar

Baxtli qizim, men oʻylab boqsam, Ikki bahor koʻribdi yoshing. — Yo. Mirzo, Oʻgʻil mehri

4. koʻchma Quvonch, shodlik, baxt.

Ishqingda men bahorlar topdim, Bahor ichra nahorlar topdim. — H. Olimjon

Sizda boʻlgan umid, ishonchlar, Kunlar kelar, yaratar bahor. — Gʻayratiy

5. koʻchma Sevgi, muhabbat; umid.

Kimningdir koʻnglida bahor gulladi. Kimdir kimgadir intizor boʻldi. — Oʻ. Hoshimov, Qalbingga quloq sol

6. koʻchma Sevgili, maʼshuqa, goʻzal yor.

Gullagan bahorim, seni sevaman. — U. Ismoilov, Saylanma

Soʻldimikan gul chechakli bahorim, Ham qishimdan, ham yozimdan ayrildim. — Nurali

Xazon etmoqchi boʻlmish, ajratib fasli bahorimdan. — Guldasta

7. Bahor (xotin-qizlar ismi).

Toʻrt faslning birinchisi, qishdan keyingi, yozdan oldingi fasl; koʻklam.İLKBAHAR

весенний весна, весенний

bahorda весной

n spring, spring time

Frühling m, Frühjahr n, Lenz m

erta bahor Vorfrühling m

bahor havosi Frühlingswetter n

ruschaвеснаinglizchaspringfransuzchaprintempsarabchaرَبِيعٌ