Qidiruv

ot 1. Minib yuriladigan hayvon.

Registon oldidan oʻtadigan yoʻlovchilar ulovlaridan tushib, ark darvozasiga qarab taʼzim qilar edilar. — S. Ayniy, Qullar

2. Umuman, ishchi hayvon.

Suvning boshida boʻladigan baqaqurulloqliklar ham oʻzi yoki ulovining jonini koyitgisi kelmas edi. — A. Qahhor, Qoʻshchinor chiroqlari

Bugun ulovimiz qoʻsh-hoʻkiz emas, Qudratli texnika qoʻlimizda, bas! B. Boyqobilov.

3. koʻchma Umuman, yoʻlovchi, yuk tashish vositalari.

Samolyot — bebaho ulov. Mana u parvozga koʻtarildi. — N. Safarov, Olovli izlar

shv. (u — choʻziq) Oʻgʻil.

Bejoy bildim, toʻram, Yodgor ulingni, Aymoqning yurtiga talab qilibdi; Qanday joʻnatasan jon-u dilingni?! — Yodgor

Armon bilan men uldan ayrildim der, Ketganingni, bolam, bilmay qoldim der. — Ravshan

taqsimlamoq, ulashmoqruschaделить, разделитьinglizchadivide, distribute

Čïγayqa ülädi bu böz ham ayï Kambagʻallarga boʻz va ipak matolar ulashdi – Раздал бедноте бязь и шелка – He handed out coarse calico and silk to the poor

fl. 1. Ip, arqon, tasma va shu kabilar narsalarning uchlarini bir-biriga bogʻlab biriktirmoq.

Otning tizginiga arqon ulab beringlar, oʻzim haydab ketaveraman. — A. Qahhor, Asror bobo

— Shoshmanglar, shoshmanglar, — dedi dutorning ipini ulayotgan Meli polvon. — P. Tursun, Oʻqituvchi

Tohir ikkala belbogʻini bir-biriga ulab, bir chetini beliga bogʻlab, koʻprikning tagiga osilib tushdi. — P. Qodirov, Yulduzli tunlar

2. Butunlash maqsadida yamash, payvandlash va shu kabilar yoʻl bilan biriktirmoq.

Dahlizda Hasanali uzilgan ot asboblarini ulab tikar edi. — A. Qodiriy, Oʻtgan kunlar

Yoʻlda changʻarogʻi singan ekan, shuni ulaymiz deb urinib qoldik. — Sh. Xolmirzayev, Yoʻllar, yoʻldoshlar

Quloch yetmas bahaybat quvurlarni bir-biriga ulash ishlari ketyapti. — Gazetadan

3. koʻchma Tutashtirmoq, bogʻlamoq.

Gʻisht-koʻprik ikkita katta koʻchani bir-biriga ulaydi. — Sharq yulduzi

4. q.x. Payvand qilmoq.

Gilosni olchaga ulamoq. Naʼmatakka atirgulni ulamoq.

5. koʻchma Biridan keyin boshqasini qoʻshib, uzluksiz davom ettirmoq.

Ishni ishga ulamoq. Kuyni kuyga ulamoq. Kunni tunga ulamoq.

U har toʻgʻrida tinimsiz gapirib, gapni gapga ulab yubordi. — O. Yoqubov, Tilla uzuk

Abdurahimov sigaretning tutunini tutuniga ulab chekarkan, oʻzidan oʻzi gapira ketdi. — Mushtum

[Nizomjon] Kechalari yulduz toʻla osmonga tikilib, tunni tongga ulab, qushlar naʼmasidan, suvlar shildirashidan koʻngliga allaqanday yupanch izlardi. — S. Ahmad, Ufq

6. Aloqa, bogʻlanishni tiklamoq, tutashtirmoq.

Allo, menga Buxoroni ulab bering. — T. Alimov, Xushbichim yigit

Keyin televizorni tokka uladi. — T. Ashurov, Oq ot

sft. 1. Ulovi bor.

Ulovli xoʻjaliklar.

Durustroq hosil olsam, kelasi yil ulovli boʻlar edim. — A. Qahhor, Qoʻshchinor chiroqlari

2. Ulov mingan, ulov haydagan.

Shuning uchun ham yoʻl ustidagi bu choyxonada biron ulovli yoʻlovchi uchratarmiz, degan maqsad bilan ertalab barvaqt kelib oʻtirgan edik. — N. Safarov, Olovli izlar

ot Ulamoq feʼlidan sifatdosh.