Qidiruv

buncha, shunchalik, koʻpruschaстолько, так многоinglizchaso much

Neräk ötrü munča čoyï ün urï Bunchalik shovqin-suron nimaga kerak? – Для чего нужно потом столь много грома и стука? – Why do you need so much thunder and knocking?

olm. 1. Shu qadar, shunchalik, shu darajada.

Shariat, xotinni qattiq tutish kerak, deydi-yu, ammo xotinni qancha qattiq tutsangiz, shuncha gʻaflatda qolishingizni poylaydi. — A. Qahhor, Mayiz yemagan xotin

Vatan agar boʻlsa bir chaman, Siz qoʻynida xandon gʻunchalar; Ay, siz, mening kichik doʻstlarim, Vataningiz sevar shunchalar. Z. Diyor.

2. belg. olm. Noaniq miqdorga ishora qiladi; shu miqdorda.

Bir zumda shuncha odam yigʻildi. Darrov shuncha yil oʻtib ketibdi. Shuncha oʻylasam ham, esimga kelmadi. Shuncha vaqtdan buyon qayerda eding?

— [Gʻofir:] Shuncha qarzim bor ekanmi? Men buni qanday uzaman, boy ota? — Hamza, Boy ila xizmatchi

Ajab, shuncha nevarasi bormi kam-pirning? — Guldasta

Suyukli boʻlsam, shuncha balolarga giriftor etib, koʻcha-koʻyda sargardon qilib qoʻyarmidi — S. Siyoyev, Yorugʻlik

Kor qilmadi shuncha ilm, etdi qancha sargardon. — A. Oripov

rvsh. 1. Jiddiy maqsad bilan emas.

U fotografiya bilan shunchaki shugʻullanadi.

Xafa boʻlmang tagʻin, shunchaki aytayotirman-da. — A. Qahhor, Sarob

Omon meni eski keki yuzasidan aldagan ekan, men uni shunchaki qiziqchilik qilib aldagan edim. — Gʻ. Gʻulom, Shum bola

2. Katta ahamiyatga ega boʻlmagan; arzimas, oddiy.

Shunchaki gap. U shunchaki bir ashulachi edi.

Ular shunchaki aktyorgina emas, balki., vaziyat talab qilsa, dushman bilan yuzma-yuz olishadigan jangchi ham edilar. — H. Nosirova, Men oʻzbek qiziman

Ular shunchaki odamlar emas, qasd qilib, izingizdan tushgan odamlar. — Mirmuhsin, Meʼmor

ot 1. Narsa va hodisalarning mantiqan ajratilgan muhim belgilarini, aloqa va munosabatlarini umumlashtirib aks ettiruvchi umumiy tasavvur; tafakkur shakli.

Soʻz turkumlari haqida tushuncha. Materiya haqida tushuncha. Qoʻshimcha qiymat tushunchasi.

2. Umuman, narsalar, hodisalar haqidagi tasavvur, tushunish.

Qishloqqa yangi zamonning yangi odamlari kelar va yangi nom, yangi tushuncha olib keladilar. — P. Tursun, Oʻqituvchi

Keyingi kunlar uning [Abdulahadning] hayot haqidagi barcha tushunchalarini ostin-ustun qilib, oʻzgartirib yubordi. — A. Muxtor, Chinor

Xalq tushunchasicha, hajga borib, tabarruk boʻlib kelgan kishining qoʻlidan bu xil pastkashliklar kelmas, agar kelsa, u asl hoji emas, yolgʻon hoji deb qaralar edi. — M. Ismoiliy, Fargʻona tong otguncha

3. Onglilik darajasi, ong.

Siyosiy tushuncha.

Bizning maqsadimiz — kishilarga ong, tushuncha bermoq, toki har bir kishi yaxshilik va yomonlikni, oq-u qorani oʻzi ajrata oladigan boʻlsin! — P. Tursun, Oʻqituvchi

4. Insonning bilim va tasavvurlari darajasi; saviya.

Tushunchasi past odam.

1. настолько, до такой степени

2. пустяковый, нестоящий

shunchalik gap ekan-ku! только и всего!, какой пустяк.

s. t. Shunchaki.

Mabodo Bobur shaharga qoʻshinsiz, shunchayin poytaxtni koʻrish uchun kiradigan boʻlsa, Boysunqur mirzo uni tuttirib, yoʻq qilib yuborishi mumkin edi. — P. Qodirov, Yulduzli tunlar