от 1. Ҳар бир нарса ва модданинг кишиларнинг ис билиш сезгиларига таъсир этадиган хоссаси; бўй, ис.
Ҳиди бор нарса. Ёқимли ҳид. Ёқимсиз ҳид. Кабоб ҳиди. Ҳандалак ҳиди. Зира ҳиди. Пиёздоғ ҳиди. Ҳар гулнинг ҳиди бошқа. — Мақол
Ота, манави беҳиларни қаранг, ҳиди оламни тутади, бирам пишибдики! — М. Исмоилий, Фарғона тонг отгунча.
Уйда тутун ёʻқолган бўлса-да, аччиқ ҳид дарров унинг бурнига урилди. — Ойбек, Танланган асарлар
Тутаб куяётган от эти ва терисининг қўланса ҳидидан унинг кўнгли беҳузур бўлиб, боши айланди. — Ҳ. Ғулом, Машъал
2. кўчма Бирор нарса, ҳодиса ёки ҳолатнинг белгиси, шарпаси.
Шояд шу билан Ойнагулнинг ҳам ҳиди бирон жойдан чиқиб қолса. — А. Ҳакимов, Илон изидан
Бунинг ҳар бир варағидан шахсий ғараз ҳиди келади. — А. Қаҳҳор, Сароб
Жанжалнинг ҳидини сезган Сарви хола ғудраниб, стол устига дастурхон ёза бошлади. — Муштум
юзида нур ёғилиб турибди, сўзларида меҳр-шафқатнинг ҳиди бор. — Х. Тўхтабоев, Ширин қовунлар мамлакати
- Гапидан латта ҳиди келади Ёқимсиз, бемаъни гапга нисбатан қўлланади. Ҳодивой, аччиғинг чиқмасин-қу, анчадан бери гапингдан латта ҳиди келадиган бўлиб қолган. — С. Аҳмад, Чўл бургути
- Ҳид олмоқ Бирор маълумот, белги, шарпани сезмоқ, ундан хабардор бўлиш илинжида юрмоқ. Дамба вақтида кетиб қолганлар ҳам атрофимизда айланиб, ҳид олиб юрган эмиш-ку. — А. Қаҳҳор, Қўшчинор чироқлари
- Ҳиди чиқмоқ Хабари тарқалмоқ, ошкор бўлмоқ. қоровул чолни уриб, яхши иш қилмади. Ими-жимида бўладиган ишнинг ҳидини чиқариб қўйди. Мирмуҳсин, Меъмор. Эҳтиёт бўлмасангиз, буларнинг ҳам ҳиди чиқиб қолади. — Муштум