Qidiruv

oʻzbekchayoʻnalish, tarmoq, shahobcharuschaветвь, веткаinglizchadirection

Bu din dalï dunya dalï qaršï ul, yayišmas ekigün yolï Din bilan dunyo yoʻli bir-biriga qarama-qarshidir, ikkisining yoʻli tutashmaydi

Bu din dalï dunya dalï qaršï ul, yayišmas ekigün yolï Ветвь веры и ветвь мирская противопоставлены [друг другу], и их пути не сближаются

Bu din dalï dunya dalï qaršï ul, yayišmas ekigün yolï The branch of faith and the secular branch are opposed to each other, and their paths do not converge

ot 1. Aholi yashaydigan joydan tashqarida boʻlgan, ekin ekiladigan yer, ekinzorlar.

Ekin dalasi. Paxta dalasi. Mehnat dalasi. Paxtazor dala. Bogʻbon bogʻini tuzar, Dehqon dalasin suzar. — Maqol

Ayollar dalada, bolalar mol-hollarni oʻtlatgani olib ketishgan. — S. Ahmad, Ufq

Toʻgʻri, chorshanba kuni dalaga qoʻsh chiqishi kerak. — A. Qahhor, Qoʻshchinor chiroqlari

2. Shahardan tashqaridagi bogʻ, qoʻrgʻon va yer-suvlar. -

Pochchang oʻlsin! — dedi achchiqlanib Xushroʻy, — Najmiddinbek deganning dalasiga ketgan edi. Toʻrt kundan beri dom-daraksiz. — A. Qodiriy, Oʻtgan kunlar

3. Umuman keng tabiiy sayhon yer, yovon.

Dala, kirlar qirmizi koʻylak kiygan suluv kelinchakdek yashnab ketgan. — Gazetadan

Adoqsiz dalalar, oftob oʻt purkaydi. — Saodat

Dov-daraxtlar, tom-tosh, dalayu qirlar oppoq edi. — S. Ahmad, Ufq

4. Uydan (xonadan) tashqari joy, hovli, koʻcha.

Onaning koʻngli bolada. Bolaning koʻngli dalada. — Maqol

Daladan kelgan oʻgʻrini tutish oson, Uydagi oʻgʻrini tutish qiyin. — Maqol

Men daladan olay xabar Oʻyin qilib turgin, qizlar. — Malikayi ayyor

1. shv. Jinni, tentak; aqldan ozgan.

Dali boʻlmay, vali boʻlmas. — Maqol

Dalidan toʻgʻri xabar. — Maqol

Vatandan ayrilgan vatangadolar Tiriklik yoʻlida sargardon, dali. — Yoshlik

2. koʻchma Bebosh, asov.

Jayhun qani, Sayhun qani? Qani toshar dali daryo? — M. Qoʻshmoqov, Ali Qambar

ot 1. astr. Oʻn ikki burjning biri, Jady va Huk burjlari oʻrtasida joylashgan (q. burj).

2. Shamsiya yil hisobida oʻn birinchi oyning arabcha nomi (22 yanvar — 22 fevral davriga toʻgʻri keladi).

Dalv kirdi — davr kirdi. — Maqol

1264 hijriya, dalv oyining oʻn yettinchisi, qishki kunlarning biri, quyosh botgan, tevarakdan shom azoni eshitiladir. — A. Qodiriy, Oʻtgan kunlar

ot Ruhni koʻtaruvchi, kuch-gʻayrat, mardlik, dadillik baxsh etuvchi maʼnaviy yordam, himoya, iliq soʻz va shu kabilar

Dalda boʻlmoq.

Atrofdagi odamlarning daldasi umidning soʻnggi uchqunini soʻndirmaslikka yordam beradi. — Oybek, Tanlangan asarlar

ot 1. Fikr, mulohaza va shu kabilarni tasdiqlovchi, ular haqida dalolat beruvchi narsa; isbot, fakt.

Ishonchli dalil. Kuchli dalil.

-Gumoningiz bor-u, dalilingiz yoʻq! — Qunduzoy uning soʻzini boʻldi. — Oydin, Hikoyalar

— Tuhmat, qani dalil? — birdan tutaqib baqirdi Uljayev. — Mushtum

Maʼqul emas, deyish bilan ish bitmaydi, birorta dalil kerak. — A. Qodiriy, Oʻtgan kunlar

2. huq. Jinoyatni tasdiqlovchi narsa, fakt yoki holat.

Siz aytayotgan buyumlar qotillikka aloqador ekanligiga dalil boʻla olmaydi. Buni hali isbotlash kerak. — Yoshlik

U oʻz raisini qoʻlga tushirgan hujjatlaridan, dalillaridan, tergov natijalaridan xabardor qildi. — H. Gʻulom, Mashʼal