от 1. Ўсимликнинг тана ва новдаларида бўртиб пайдо бўладиган, ривожланиб, барг, гул, шох каби қисмларга айланадиган аъзоси, бошланғич аъзоси.
Барг куртаги. Гул куртаги. Поя куртаги. Новда куртаги
Эрта баҳор, дарахтлар энди куртак чиқара бошлаган пайт. — Ж. Шарипов, Хоразм
Шудрингда ювинган акация шохлари кўк-қизғиш тусга кириб, куртак тугишга тайёрлана бошлаган, гул экиш учун юмшатилган текис тупроқ узоқдан бахмалга ўхшаб кўринади. — П. Қодиров, Уч илдиз
2. кўчма Бирор нарсанинг ўсиб, ривожланадиган дастлабки намунаси, ривожланишидан дарак берувчи нишонаси.
Янгилик куртаклари. Келажакнинг куртаклари.
Рустамдан кўзини узмас, чеҳраси борган сари очилиб, севги куртаклари ғунчага, ғунча эса гулга айланиб бораётгандек туюларди. — В. Ғофуров, Вафодор