ot 1. Islomda va boshqalar baʼzi dinlarda xudoning amrini bajaruvchi gʻayritabiiy mavjudot; malak (farishtalar son-sanoqsiz boʻlib, har biri maʼlum vazifani bajaradi).
Baʼzi rivoyatlarga qaraganda, farishtalar jannatdagi kavsar suvidan qumgʻonlarimizga quyib ketar emish. — M. Muhammadjonov, Turmush urinishlari
Farishta, maloyiklar — nurdan, siz bilan biz loydan yaratilgan. — Malikayi ayyor
2. Koʻchma Yaxshi xulq-atvorga ega boʻlgan va goʻzal (koʻpincha ayollar haqida).
Bu xotin toʻgʻrisida mulla Norqoʻzi shunday fikrda: agar farishta ilgari oʻtgan boʻlsa — shuning onasi, endi tugʻilsa — shuning bolasi boʻladi, agar hozir yer yuzida boʻlsa — shu xotinning oʻzi. — A. Qahhor, Asarlar
Vo ajabo! Bu kim boʻldi? Choʻrimi yoki bir ofatijon farishtami? — Hamza, Boy ila xizmatchi
3. koʻchma Fayz, ziynat.
Ayolning sarishtasi — roʻzgʻorning farishtasi. — Maqol
Ha, ota — koʻcha kishisi, ona uy farishtasi boʻlar ekan. — L. Tojiyeva, Mehrim sizga, odamlar.
4. koʻchma Pokiza, musaffo; begunoh.
Ajoyib odamsan-da, doʻstim, ajoyibsan, farishtasan. — Shukrullo, Saylanma
Shu kungacha Ravshan oʻzini halolman deb farishta sanab yurdi. — Yoshlik
- Farishtasi bor Jozibali, fayzli. Eson Davlat begim suratni qoʻlga oldi va Navoiy tasviriga beixtiyor qiziqib: — Yuzlarida farishtalari bor zot ekanlar, — deb qoʻydi. — P. Qodirov, Yulduzli tunlar
- Farishtasi yoʻq Oʻziga jalb qiladigan fazilati, koʻrki yoʻq; xosiyatsiz. Farishtasi yoʻq uy.Kuyovning yuzida farishtasi yoʻq, Hojarxon, farishtasi yoʻq. Koʻngilga xush kelmagan nikoh xudoga xush kelmaydi! — A. Qahhor, Tobutdan tovushIblis ustozlaringning farishtasi yoʻq kitoblarini yondirib, kullarini koʻkka sovurdim. — K. Yashin, Hamza
- Farishtasi qochmoq Fayzsiz, koʻrimsiz boʻlib qolmoq; qut-barakasi yoʻqolmoq. Lekin yolgʻizlik battar ezdi. Uydan farishta qochgan, tabassum oʻchgan edi. — A. Muxtor, AsarlarBesh vaqt namozni kanda qilma! Boʻlmasa, uyingdan farishtalar qochadi. — Hamza, Boy ila xizmatchiSupurilmagan hovlidan farishta qochadi. — N. Aminov, Qahqaha