Qidiruv

ot 1. Estetik zavq yoki orom beradigan narsalardan olinadigan lazzat, huzur, gasht.

Sevgisin aytmaslik — qizlar odati, Noz-u karashmasi — yigit rohati. — M. Alaviya

Kunduzlari issiqdan behol boʻlgan odamlar kechadan rohat kutadilar. — M. Ismoiliy, Fargʻona tong otguncha.

2. Huzur-halovat, farogʻat, tinch va fa-rovon hayot.

Rohatda yashamoq. Mehnat, mehnatning tagi — rohat. — Maqol

Mehnatsiz rohat yoʻq. — Maqol

Endi senlar omon boʻlinglar. Dunyoning rohatini senlar koʻringlar. — Oydin, Oltin uzukka olmos koʻz

[Puldorlarning] Qornilari toʻq. Bola-chaqalari rohatda, uylarida qazi-qarta qaynaydi. — Oybek, Tanlangan asarlar

3. Rohat (xotin-qizlar ismi).

Кто усладу испытал, тот ради этого и муку стерпит., Любишь кататься, люби и саночки возить., Любишь медок, люби и холодок., Любить тепло, любить (терпеть) и дым.

sft. Kishiga rohat beradigan; oromli.

Dong taratgan zarbdor Allaqachonlar Kechirmakda mehnat-la Rohatli onlar. — Gʻayratiy

sft. 1. Shinniga muz qirib solib tayyorlanadigan muzqaymoqsimon ovqat.

Rohatijon xalq tabobatida dizenteriya kasalligiga qarshi dori sifatida ham qoʻllangan. — Gazetadan

2. sft. Jonga rohat baxsh etadigan, jonga rohat bagʻishlaydigan.

U [Nigora] ipakday mayin, shishadek tiniq, rohatijon iliq buloq suvini quchoqlar, oppoq toʻshiga bosib yayrar. — S. Anorboyev, Oqsoy

Gʻulom akaning kabineti uzun koridordan iborat edi. Shu oddiygina xona bosh injener yordamchisi uchun rohatijon makon edi: ham issiq, ham ozoda. — J. Abdullaxonov, Toʻfon

sft. Rohat bagʻishlaydigan, kishi huzur qiladigan; orombaxsh.

Rohatbaxsh joy. Rohatbaxsh kuy. Rohatbaxsh ichimlik.

Jabborov shu rohatbaxsh kayfiyat bilan uyiga bordi. — N. Hayitqulov, Yer tafti

Tashqarida havoning tafti baland, ammo kupe muzdek salqin, rohatbaxsh. — Gazetadan

fl. Rohat qilmoq, huzur, gasht qilmoq.

Musiqadan rohatlanmoq. Rohatlanib dam olmoq.

Oʻzgalar ogʻirini yengil qilishdan rohatlanadi. — T. Ashurov, Oq ot

Xolida terlab, tovonlari qorayib ketgan oyoqlarini suvga tiqib shaloplatdi — joni rohatlandi. — Yoshlik

Aziza, kursdosh qizlarning gʻashi kelayotganini sezgan sayin, oʻzini gʻolib hisoblab, rohatlanardi. — Oʻ. Hoshimov, Qalbingga quloq sol