Қидирув

фл. 1. Кучли овоз чиқармоқ (йиғи овози ҳақида); ҳўнграмоқ.

Кутилмаганда Рихси холанинг кўнгли юмшади-ю, ўкириб йиғлаб юборди. — П. Қодиров, Қора кўзлар

2. Бақирмоқ, бўкирмоқ (инсон ва баъзи йирик ҳайвонлар товуши ҳақида).

Ҳоким халққа минг алпозда ўкириб, ҳаммани ҳақорат қилиб уйига қайтди. — М. Исмоилий, Фарғона тонг отгунча

Оғир юкли туялар бўйинларини осмонга кўтариб ўкирарди. — Ш. Тошматов, Эрк қуши

Жадал келаётган катта айиқ жуда хунук ўкирарди. — Газетадан

3. кўчма Қаттиқ овоз чиқармоқ (жонсиз нарсалар ҳақида).

Ташқарида шамол ҳамон ўкирар. — М. Жабборов, Севинч ёшлари

Ўкириб тўхтади сўнгги замбарак, Жаҳаннам худоси қаҳ-қаҳдан тинди. — Ғ, Ғулом

от Қаттиқ йиғи овози.

Ойимбиби бу ўкирикдан бир чўчиб тушди, кейин шошилиб ўрнидан турди-да, ошхонага кириб кетди. — С. Абдуқаҳҳор, Санамай саккиз дема

Ҳаққул ота Юрагининг бир парчаси узилгандай, сийнасидан қаттиқ ўкирик чиқаркан, Зуҳра буви қўрқувдан эсини ёʻқотгандай бўларди. — Ҳ. Назир, Сув гадоси — оқпадар

фл. Ўкирмоқ феълининг биргалик нисбати.

фл. Ўкирмоқ феълининг орттирма нисбати.

фл. 1. Овози борича бақирмоқ, ҳайқирмоқ.

Бойиб кецанг, бўкирма, Ёʻл юрганда сўкинма. Мақол.

Эгамбердиев маст туядай бўкирди. — А. Муҳиддин, Ҳадя

Оллоберган тағин бир марта даҳшат билан: Айт, айт, манжалақи! деб бўкирди-да, хотинининг сочини бўйнига ўраб бўғмоқчи бўлди. — Н. Аминов, Қаҳқаҳа

2. Ўкирмоқ (асосан, ҳайвонлар ҳақида).

Жума куни, қўйлар маъраган, туялар бўкирган, отлар кишнаган. — Ғ. Ғулом, Шум бола

ҳўкиз икки марта устма-уст бўкирса, ўлиб қолса, нима қиламан деб, кечаси билан жин-чироқ кўтариб чиқаман. — А. Қаҳҳор, Қўшчинор чироқлари

3. Овози борича, бор овоз билан бақириб йиғламоқ, уввос тортмоқ.

Баҳромбек марҳумнинг жонсиз гавдасини қучоқлаб, бўкириб йиғлар, на хотинига, на болаларининг фарёдига қулоқ соларди. — Ёшлик

Туролмади Холиёр, Йиғлаб берди бўкириб — Ойсулув

4. кўчма поет. Қаттиқ, шовқинли товуш чиқармоқ (техника ва жонсиз нарсалар ҳақида).

Ишонмасанг, ўқ отиб кўргил — бўкирворар саноқсиз қоя. — Ш. Раҳмон, Юрак қирралари

ел кетма-кет бўкирар, бунга чидай олмаган шох-шаббалар қарс-қарс синар, кекса ёғочлар ғийқ-ғийқ этиб, ёлвориш товуши чиқарар эди. — А. Қодирий, Ўтган кунлар

Газ ҳамон бўкириб ёнар, куйган темирларни чиқариш давом этарди. — П. Қодиров, Уч илдиз

Танклар ўкириб, автоматлар бўкириб, ғиз-ғиз ўтиб туришарди. — Н. Сафаров, Оловли излар