Қидирув

от 1. Бирор иш, мақсад, талаб ва шу кабиларни амалга ошириш, юзага чиқариш, бажариш учун зарур ёки қулай шарт-шароит; имконият.

Элмурод Эргашни қидирса, сўраб суриштирса топарди, аммо бунга имкон қани? — П. Турсун, Ўқитувчи

Ҳозир тўппа-тўғри жўнаш учун ҳеч қандай имкон ёʻқ. Гулнор ҳориган, кийими ёʻқ. — Ойбек, Қутлуғ қон

2. Чора-илож, мумкинчилик.

Излагай имкон топади. — Газетадан

ҳозир билай-чи, балки телефонини тузатиш имкони бордир. — Ш. Рашидов, Бўрондан кучли

сфт. Имкони ёʻқ; имкондан ташқари, амалга ошириб, юзага чиқариб бўлмайдиган.

Янги командир — капитаннинг боши нодир бош экан. Бўлмаса, бу ерни эсесчилардан бир ҳафтада ҳам тозалаш имконсиз эди. — Ойбек, Қуёш қораймас

от 1. Зарур ёки қулай шарт-шароит; имкон.

Оҳангарон қочиб кетмаган бўлса ҳам, боришга имконият тополмаяпти. — С. Кароматов, Олтин қум

Ёш эканини кўрсатиш учун қулай келган ҳар бир имкониятни қўлдан бермас эди. — А. Қаҳҳор, Қўшчинор чироқлари

2. Юзага чиқиш, чиқариш учун мавжуд куч-қудрат, қобилият, восита.

Ички имкониятлар. Барча имкониятларни ишга солмоқ.

Айний, аруз вазни аслида араб шеъриятидан олинган, унинг имкониятлари ниҳоятда тор, деювчиларга нисбатан муросасиз бўлди. — ЎТА

учувчилар мамлакат авиация техникасининг ажойиб имкониятларини яна намойиш қилдилар. — Газетадан

Заргар, қўлланадиган материалнинг конструктив ва эгилувчанлик имкониятини, унга ишлов бериш технологиясини билиши зарур. — Газетадан

возможность

имкон (имконият) бермоқ дать возможность

имкон (имконият)и борича по возможности

русчареальная возможностьинглизчаreal opportunity

Потенциал