сфт. 1. Қаттиқ тортилган, солқа ёки бурушиқ жойи қолдирилмасдан керилган.
Таранг тортилган арқон.
Нафиса кўрдики, ип жуда таранг тортилди, энди ширт этиб узилиб кетиши мумкин. — Шуҳрат, Жаннат қидирганлар
Бу тор, таранг кийимда унинг келишган қомати янада бўртиб турарди. — С. Сиёев, Отлиқ аёл
2. Тўлишиб силлиқ тортган, текис.
Таранг сийналар қора кофтага сиғмай, қўш чўққига айланган. — С. Сиёев, Отлиқ аёл
Бир неча кун ичида Нодиржоннинг эти устухонига ёпишди, эти, таранг пешонасида ажинлар пайдо бўлди. — А. Муҳиддин, Чап чўнтак
3. кўчма Айрим сўзлар билан қўлланиб, нарса, ҳолат кабиларнинг юқори даражасини, сўнгги чегарасини билдиради.
Унинг бутун вужуди ҳаяжон билан таранг тортилган эди. — П. Қодиров, Уч илдиз
унинг уятчан кўзларига кўзи тушиб, таранг асаблари бирдан бўшашиб кетди. — С. Нуров, Нарвон
Саломхонадаги таранг вазият бир оз юмшагандек бўлди. — С. Сиёев, Ёруғлик
Низомжон ана шу оилада, ҳамиша таранг рўз-ғор ичида ўсди. — С. Аҳмад, Уфқ
- Таранг қилмоқ 1. Таранг ҳолга келтирмоқ. Арқонни таранг қилмоқ;Шундай пайтларда Ҳури жуда очилиб кетар, гали келганда, ҳеч таранг қилмай, қўлидан келганини кўрсатар эди. — Ф. Мусажонов, ҲуриКелинни аравада олиб келишаётганларида, гузарларда тўсишарди соврин тилаб, атайин таранг қилишарди — Р. Раҳмон, Меҳр кўзда