зор
zorзор
от 1. Ҳасратли йиғи, нола, афғон.
Чирқираб йиғлаётган ҳалиги боланинг зорига яна икки боланинг фарёди қўшилди. — М. Исмоилий, Фарғона тонг отгунча
Кета бер, турмагин, саркарда, беклар, Қулоқ солинг мендай ночор зорига. — Муродхон
2. Муҳтож, интизор.
Ким ҳаққа ташна-дир, ким меҳрга зор. Мен унга умримни этгумдир фидо. — А. Орипов, Йиллар армони
— Мен сизнинг даллоллигингизга зор эмасман! — Чарос кескин бурилиб юриб кетди. — Ў. Ҳошимов, Қалбингга қулоқ сол
— Бир парча нонга зор эдик, — деди Абдурасул. — П. Турсун, Ўқитувчи
- Зор йиғламоқ Қаттиқ йиғи-сиғи қилмоқ, нола қилмоқ. Зор йиғлаб, навосиз қолмагай дунё, Ўзи чора топмай, йиғлагай олам. А.Киприклари қайрилма Қизлар қолди зор йиғлаб. — Шарқ юлдузи
- Зор қақшамоқ Қийналмоқ, азоб чекмоқ. — Жуда хунук иш бўлди-да. ]Қизнинг] Она-си зор қақшаб қидириб юргандир — деди Қўшоқ ота. — С. Аҳмад, Чўл бургути
- Зор қолгур — Шу зор қолгур тўн туфайли бизнинг оилаларимизда қанча кўнгилсиз ҳодисалар бўлди, — дейди хотин-қизлардан Сайёра Шамсиева. — Б. Халилов, Тоғора ташвиши
- Зорим бор, зўрим ёʻқ Илтимос қиламан, аммо мажбур қила олмайман. — Зорим бор, зўрим ёʻқ, — деди бобо арава ғилдирагига яқин чўнқайиб. — Н. Сафаров, Оловли излар
- Онайи зор
- Худонинг зорини қилмоқ Ялиниб ёлвормоқ, ўтинчли илтимос қилмоқ. Ота бечора: — Бу ниятингдан қайтгин, оппоқ қизим. Эринг қобил йигит. Мени отам десанг, асти хафа қилма уни. Қўшганинг била қўша қаригин! — деб худонинг зорини қилибди. — Ҳ. Назир, Кўктерак шабадаси