zoʻr
зўрzoʻr
ot 1. Kuch-quvvat, qudrat; taʼsir.
Ishonchim bor quvvatima-zoʻrima, Osdiraman seni tilla dorima. — Zulfizar bilan Avazxon
[Sanayev] Kesakdek qotib qolgan qoʻl-oyogʻini zoʻr bilan qimirlatib, emaklay boshladi. — N. Safarov, Tanlangan asarlar
— Uyalganlaridan mening zoʻrim bilan qilyaptilar, — dedi yanga ogʻzini beki-tib. — S. Nurov, Narvon
Amaki boʻlsa, oʻshanda pulning zoʻri bilan oʻgʻlini mardikorlikdan qutqarib qoldi. — Yo. Xaimov, M. Rahmon, Hayot-mamot
2. Urinish, harakat.
Zoʻri behuda belni sindiradi. — Maqol
3. Kuchli, shiddatli zarb; kuchlilik.
— Oʻ-oʻ, — dedi Elmurod bosh chayqab, — kaltakning zoʻrini mengina yeymanmi desam, sen ham yer ekansan, boyoqish. — P. Tursun, Oʻqituvchi
4. Zoʻrlik, zoʻravonlik.
[Mansur jahl bilan:] Xayr, mayli, ixtiyoring. Zorimiz bor, zoʻrimiz yoʻq. Z. Said, — N. Safarov, Tarix tilga kirdi
5. sft. Katta jismoniy kuchga ega boʻlgan, baquvvat, zabardast.
Zoʻr yigit. Zoʻr ot.
— Odamning qoʻlidan kelmaydigan hech bir ish yoʻq, — dedi Saodatxon, — odam hamma narsadan zoʻr. — S. Zunnunova, Yangi direktor
Qoʻrqoq bola zoʻr yigitga doʻq urganda, xayolingga ne keladi, bilasanmi? — S. Siyoyev, Yorugʻlik
Uning [Husayn Boyqaroning] zoʻr, haybatli oti qirgʻin ichiga yorib kirdi. — Oybek, Navoiy
Togʻa haqiqatan ham zoʻr polvon oʻtgan ekan. — Sharq yulduzi
6. Iqtisodiy jihatdan baquvvat, qudratli; katta iqtisodiy kuchga ega boʻlgan.
— Shunchalik zoʻr xaridorlari turgan bir zamonda bu vazifaning menga kelib toʻxtaganiga hanuz aqlim bovar qilmaydir,— dedi Anvar. — A. Qodiriy, Mehrobdan chayon
7. sft. Katta, ulkan, buyuk; kuchli.
Zoʻr togʻ. Zoʻr ishonch. Zoʻr iroda.
Olimjondan zoʻr-zoʻr umidlar kutgan muallim hazratlari Ahmadjon bilan ikkisini oʻz hujralariga chaqirdi. — Hamza, Tanlangan asarlar
8. Kuchli, shiddatli; keskin.
Zoʻr shamol. Zoʻr zilzila.
9. Ogʻir, qattiq, iztirobli.
Zoʻr ogʻriq. Zoʻr qaygʻu.
Bu zoʻr mehnat Oyqiz yuragida bir-biriga qarama-qarshi boʻlgan ikki xil tuygʻu yaratdi. — Sh. Rashidov, Boʻrondan kuchli
Hammaning yuzidan, harakatidan zoʻr bir musibat aks etar edi. — A. Qahhor, Qoʻshchi-nor chiroqlari
10. Mazmun jihatdan pishiq-puxta, qiziqarli; sifat, maza jihatdan afzal, yaxshi.
Zoʻr kitob. Zoʻr spektakl. Zoʻr olma. Zoʻr palov.
11. Katta mahoratga, tajribaga ega boʻlgan; oʻz ishi, kasbining ustasi boʻlgan, mohir, kuchli; zabardast.
Zoʻr olim. Zoʻr shoir.
Toshkentda zoʻr olimlar koʻp. — A. Qahhor, Qoʻshchinor chiroqlari
— Qishlogʻimizda bir boboy boʻlardi. Zoʻr tabib edi, — dedi Majid. — Nazarmat, Joʻrlar baland sayraydi
Usta Boboxon degan zoʻr temirchi boʻlardi. — S. Siyoyev, Yorugʻlik
Zoʻr ekansiz-ku, tagʻin gapirishni bilmayman deysiz! [dedi Gavhar]. — Oʻ. Hoshimov, Qalbingga quloq sol
- Zoʻr bermoq 1. Astoydil harakat, gʻayrat qilmoq; kuch yetgancha urinmoq. Musobaqalarga zoʻr berib tayyorlanmoq.Sidiqjon shu qadar zoʻr berib ishlar ediki, bitta odamning qoʻlidan shuncha ish kelishiga baʼzan oʻzi hayron qolar edi. — A. Qahhor, Qoʻshchinor chiroqlariMoʻmin qiyshiq zoʻr berib ketmon chopmoqda edi. — P. Tursun, OʻqituvchiAyrim xoʻjaliklar rahbarlari texnikadan qoʻrqadilar, undan ayb qidirib, qoʻl kuchiga zoʻr beradilar. — Gazetadan— Choʻlda odam yetishmaydi. Mashinaga zoʻr beraversin, — dedi Sherali Asalxonga. — H. Gʻulom, Senga intilamanSaodatxon onasini zoʻr berib oʻpar, Qimmat xolaning yuziga yuzini qoʻyib, bagʻriga bosar edi. — N. Safarov, Saodatning qissasi
- Zoʻr kelmoq Qiyin boʻlmoq, ogʻirlik tushmoq, ogʻir koʻchmoq. Bularni bilmasak, har qaysisini oʻziga loyiq, oʻziga munosib joyga qoʻya olmaymiz. Unda oʻzimizga zoʻr keladi. — A. Qahhor, Qoʻshchinor chiroqlari
- Zoʻr kelsa Boshqa iloj(i) boʻlmasa, juda boʻlmaganda; nari borsa. Zoʻr kelsa, xoʻjayin beradigan toʻqqiz tanga haqini bermay qoʻya qolar-da. — S. Ahmad, Oqpadar
ZOʻR
1. Katta jismoniy kuchga ega boʻlgan; kuchli, baquvvat.GÜÇLÜ
2. HARİKULADE, MÜKEMMEL
zoʻr
1. сильный, мощный, громадный
2. усилие, старание
- zoʻrga ham zoʻr bor и на сильного есть сильный; соотв. борец до борца; конь до коня, а молодец до молодца
- zoʻr shamol сильный ветер
- zoʻr berib усиленно; во всю; напряженно
- zoʻr kelmoq перебороть
- zoʻr taassurot огромное впечатление
- zoʻr berib ishlamoq работать изо всех сил
zoʻr
1. n strength, force, power, might
2. a forceful, intense, violent
- zoʻr 1. bermoq force
ZOʻR
1. kúsh-quwat, qúdiret, tásir
2. urınıw, háreket
3. zor, kúshli, mıqlı
4. zorlıq, zombılıq, ozbır
5. qarıwlı, quwatlı, duǵıjım
6. ekonomikalıq jaqtan qúdiretli
7. úlken, náhán, ullı
8. epkinli, pátli, tez
9. awır, qattı, azaplı
10. mazmun jaǵınan qızıqlı, mazmunlı, sapalı
11. sheber, usta, teperish
zoʻr
1. stark, kräftig
2. Toll!, Ausgezeichnet!
zoʻr!
Zoʻr
ruschaсила, усилиеinglizchastrength, force, power, effort, violation, ravishmentfransuzchaviolent, intense, fortarabchaقَوِيٌّ, جَبَّارٌ, شَدِيدٌ, جُهْدٌ, قُوَّةٌ