ziq

зиқ

1 ta lugʻatda: Izohli yana 4 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

ziq

rvsh. 1. (faqat kesim vazifasida) Gʻoyat cheklangan, tigʻiz; nihoyatda oz.

— Borishim kerak. Vaqt juda ziq, — dedi Hotam. — M. Hazratqulov, Jurʼat

Vaqt ziq, tong yorishi yaqin, tez harakat qilish kerak edi. — A. Rahmat, Ellik bir bahodir

Umrzoq ota ish tiqilinch, vaqt ziq ekanini fahmlab, oshdan gap ochmay qoʻya qoldi. — H. Gʻulom, Mashʼal

2. koʻchma Bekordan-bekor diqqat boʻlaveradigan, tajang, yuragi tor.

Ziq odam.

3. Yurakni ezadigan, diqqatni oshiradigan.

Ziq ish.

Ziq boʻlmoq Arzimagan narsaga yuragi siqilmoq, diqqati oshmoq, diqqat boʻlmoq. — Oh, Poʻlat, gʻalati odating bor-da oʻzingdan-oʻzing ziq boʻlaverasan,— dedi Bahor. — Sh. Rashidov, Qudratli toʻlqinShu qadar ziq, noziktabiat boʻlib qolgani uchun Begimxon koʻp dakki eshitdi. — I. Rahim, Chin muhabbatHadeb ishga toʻgʻri borib, toʻgʻri qaytaversa ham, ziq boʻlib ketarkan kishi. — F. Musajonov, Sobiq
Ziq qilmoq Kimsaning yuragini siqmoq, diqqatini oshirmoq, qiynab bezor qilmoq. Boy kechadan beri uydan jilgani yoʻq, uydagilarni ham ziq qilib yubordi. — H. Nuʼmon va A. Shorahmedov, Ota