югурик

yugurik

1 та луғатда: Изоҳли яна 2 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

югурик

от 1. Тез югурадиган, чопадиган; чопқир, чопағон.

Кепак еган от югурик бўлмас. — Мақол

Чўлоқ одам учун хизматкорлик қийин, боёқиш Қамбар бу камчиликни билдирмаслик учун югура-югура югурик бўлиб қолганди. — Ойбек, Танланган асарлар

— Ҳаёт мисли бир югурик дарё, оқади-кетади, сурган кайф-у сафонгиз қолади, — қув кўзларини сузиб илжайди — Эшонхон. Ойбек, Улуғ ёʻл

Икков миниб тулпор отти, Чопмоққа ҳаваси кетди, Кимнинг оти югурик, деб. — Эрали ва Шерали

2. Илдам, тез ҳаракат қиладиган; чаққон, тез (оёқ, қўл, тил ҳақида).

Югурик бармоқлар. Югурик оёқ. Қўл югуриги — ошга, Тил югуриги — бошга. — Мақол

У [Абдишукур] болалик чоғида дадаси билан бирга янги шаҳарда резавор сотиб юргандаёқ, русчага тили югурик бўлиб қолган эди. — Ойбек, Танланган асарлар

Ақли югурик Бирор масалани тез тушунадиган, тез ҳал қила оладиган; фаҳмли. — Не-не ақли югурик донишлар жон бермаган бу ёʻлни солгунча — деди бува. — Й. Шамшаров, Кўрк меъморлари

Мақоладаги хато ҳақида хабар бериш