енгмоқ

фл. 1. Кураш, жанг ва шу кабиларда ғолиб бўлмоқ, ғалаба қозонмоқ, рақибини мағлубиятга учратмоқ.

Маккор девни енгмоқ. Мусобақада бизнинг командамиз енгди.

Ёʻлчи ҳам, Қора Аҳмад ҳам мушт билан бир-бирларини енга олмасликларига ишонч ҳосил қилишди. — Ойбек, Танланган асарлар

2. кўчма Қаршилик, қийинчилик ва шу кабиларни бартараф этмоқ, уни ёʻқ қилмоқ, қийинчиликларни енгмоқ.

Ҳаёт нашидаси шу кураш, хавф-хатар, тўсиқларни енгиб ўтиш, интилиш бор учун ҳам қизиқ, лаззатли. — С. Нуров, Нарвон

Жангчиларимиз босқинчиларнинг қаттиқ қаршилигини енгиб, Днепрдан ҳам кечиб ўтдилар. — Назармат, Жўрлар баланд сайрайди

3. кўчма Таъсирини ўтказмоқ, таъсир кучи ғолиб келмоқ (дард, касал кабилар ҳақида).

Элгелдининг кўзларидаги ғазабни бахциз бир маъюслик енгган эди. — А. Мухтор, Қорақалпоқ қиссаси

Ғам-койиш хийлагина енгиб қўйган Марасул кирди. — А. Қаҳҳор, Оғриқ тишлар

4. Ўзига бўйсундирмоқ, ҳукмига олмоқ.

Жувон тойни бемалол енгиб кетаётган бўлса ҳам, қишлоқдан чиққунча, Асқар ота жуда толиқди — А. Қаҳҳор, Хотинлар

Тўғри, беш-ўн кун қаттиқчиликни устимизга олиб, шу оз улов билан кўкламни енгиб олсак, кўп одамларнинг кўзи очилиб кетади. — А. Қаҳҳор, Қўшчинор чироқлари

5. Гап билан устун келмоқ, ўз гапини ўтказмоқ.

— Абдишукурни худо гапга бичган, енгиб бўлмайди, — деди Жамолбой пихиллаб. — Ойбек, Танланган асарлар

Ота ўғлини гап билан енгиб бўлмаслигини фаҳмлаб, ирғиб турди. — С. Сиёев, Аваз

6. шв. Ҳайдамоқ, минмоқ (аравани).

Балки у [аравакаш] ўз аравасини эмас, бой аравасини енгиб кетаётгандир. — М. Исмоилий, Фарғона тонг отгунча