яқин

сфт. 1. Оралиқ масофа унча катта бўлмаган, узоқ эмас.

Энг яқин ёʻл — шу. Шаҳарга яқин бир қишлоқда яшаймиз. Бир-бирига яқин уйлар. Қозонга яқин юрсанг, қораси юқар. — Мақол

Қирғоққа яқин ерда тўрт қозиқ устида каттакон бир қайиқ турар эди. — А. Қаҳҳор, Хотинлар

Тўнкалар жуда кўп, ҳам бир-бирига жуда яқин. Ер эса тош-метин. — Ойбек, Танланган асарлар

2. Нутқ сўзланаётган пайтдан вақт оралиғи унча катта бўлмаган.

Яқин фурсатда дийдор кўришмоқни орзу қиламиз. Яқин келажакда бу ерлар шаҳарга айланади.

Ҳа, айтгандай, устоз шу яқин кунларда уруғчилик совхозига келар эканлар. Хат олдим. — А. Қаҳҳор, Қўшчинор чироқлари

3. Бирор ҳодиса ёки воқеа юз беришига оз фурсат қолганда, маълум бир вақт келиши олдидан.

Кечга яқин меҳмонлар келишди. Саҳарга яқин ёʻлга тушдилар. Иш битишига яқин қолди.

У энди, иложи бўлса, муносиб кишига Гулнорни ҳозирдан унаштириб, фотиҳа ўқиб, тўй-никоҳни баҳорга яқин ўтказмоқчи. — Ойбек, Танланган асарлар

Тўйга яқин қолганда, келин кўчанинг бошидаги ателега кўйлак буюргани келган экан. — А. Қаҳҳор, Тўйда аза

4. кўчма Дўстона муносабатда бўлган, қадрдон, меҳрибон.

Яқин ўртоқ. Яқин дўст.

Қизиқ одам экансиз, дедингиз. Аммо дўстингдан, яқин бир одамингдан тўсатдан шундай гап эшитиш менга, албатта, оғир. — П. Турсун, Ўқитувчи

Назарида, нотаниш йигит аллакимга, жуда-жуда яқин одамга ўхшатаётгандек. А. Муҳиддин, Ҳ. — Тожибоев, Оташ қалбли қиз

Меҳмонларни тўй эгасининг яқинлари ҳурмат ва сертакаллуфлик билан кутиб олишарди. — О. Ҳусанов, Шинаванда

5. Нимаси биландир ўхшаш ёки деярли бир хил.

Ҳавоси бир-бирига яқин. Маъноси бир-бирига яқин сўзлар.

1287 йилнинг сунбула ойи, яъни эрта кузнинг кўклам ҳавосига яқин бир куни. — А. Қодирий, Меҳробдан чаён

6. Тахминан, қарийб.

Орадан яқин икки йил ўтгандан кейин Авлиёотага Бувайдадан бир одам бориб қолди. — А. Қаҳҳор, Қўшчинор чироқлари

Бир куни икки кишининг сўроғи яқин тўрт соат вақтни олди. — А. Қаҳҳор, Сароб

7. (3-шахс эгалик ва жўналиш, ўрин-пайт ва чиқиш келишиклари шаклида яқинига, яқинида, яқинидан) Кўмакчи вазифасида қўлланади ва макон муносабатларини билдиради.

Раъно келинларча Анварга салом қилди ва жазб қилгандек, Анварнинг яқинига бориб тўхтади. — А. Қодирий, Меҳробдан чаён

Бу икки хоналик уй янги қурилаётган мактаб яқинида — Ҳ. Назир, Сўнмас чақмоқлар

Орадаги масофа унча катта бўлмаган; ёнма-ён.YAKIN

близкий, недалёкий, близко, недалеко

узоқнинг у ёғинда, яқиннинг бу ёғинда; кўринмас кўзга, тинч бермас бизга они и вдали, они и вблизи; очам не видны, а покоя не дают (Думы)

яқиндаги овни кўрмай, узоқдаги ёвни кўради (букв. не видя близкого зверя, он видит далёкого врага); он не берётся за возможное, уцепившись за невозможное

а 1. near, not far from, close

2. next, about, almost

1. jaqın, juwıq, uzaq emes

2. jaqın waqıtta, juwıq arada

3. dos, qádirdan, ádiwli, miyirman

4. uqsas, birdey

5. shamalas, shaması

nah, etwa, fast

русчаблизкий, близко, около, почти, родной (родственник)инглизчаnear, close, nearly, closely, relative, almostфрансузчаproche, à peu prèsарабчаقَرِيبٌ مِنْ