yana

1. Avval boʻlgan ish-harakat, narsa-hodisaning takror yuz berishini, boshlanishi va davom etishini bildiradi; takror holda; qaytadan, tagʻin.

Yomgʻir yana yogʻa boshladi.

Lektor., xatga qarab, jahl bilan yana bir marta Oʻrtoqlar dedi-yu, leksiyani boshlab yubordi. — A. Qahhor, Quyushqon

Usta Farfi uni yana bir qat koʻzdan kechirib olgach, choʻkkalashini buzib, chordana qurib oldi. — A. Qodiriy, Oʻtgan kunlar

Avaz doʻkonda yana birpas kitob mutolaa qilib oʻtirdi. — S. Siyoyev, Yorugʻlik

Sentyabr tong otariga yaqin qoldi, yana sinflarda oʻquvchilarning shodon ovozi jaranglaydi. — Gazetadan

2. Bundan tashqari, buning ustiga.

Yana bir savat non bor.

Choyni iching, yana olib chiqaman. — Oybek, Tanlangan asarlar

Masalaning yana bir nozik tomoni bor. Boʻgʻoz sovliqni uzoq yotqizib boʻlmaydi: bola tashlaydi. — Gazetadan

Oʻrtoq Baqoyev yana bir piyola choy soʻradi. — A. Qahhor, Adabiyot muallimi

[Mirzakarimboy] Bir nafas oʻylab, yana uch soʻmlik qogʻoz va bir soʻlkavoy qoʻshib, Yoʻlchiga tashladi. — Oybek, Tanlangan asarlar

3. (odatda bir, biror soʻzi bilan birga) Ilgarigilardan boshqa; boshqa bir; yangi, boshqa.

Yana bir masala chiqib qoldi. Ya na biror gap yoʻqmi?

Xon maktubning yana bir joyida sheʼr bitgan edi: Men Samarqandni sensiz netayin — P. Qodirov, Yulduzli tunlar

— Qarigan chogʻida xoʻrozqand yalamay domla ham oʻlsin! — dedi yana biri. — A. Qahhor, Toʻyda aza

4. ayn. Yanada.

Shuning uchun qoʻrboshining boyagi shubhasi yana kuchaydi. — A. Qodiriy, Oʻtgan kunlar

Ashula nihoyasiga yetdi. Lekin bir zumdan keyin yana ayni tovush parvoz qildi. Ammo oʻzga maqomda, yana chuqurroq mavjlanishlar, jilvalar bilan, koʻngilni yana qattiqroq sehrlovchi ingichka titramalar va ranglar bilan — Oybek, Tanlangan asarlar

5. yukl. Taʼkid bildiradi; tagʻin.

Yana shoʻxlik qilib yurmagin! — E. Raimov, Ajab qishloq

Siz ham, eski muallimga oʻxshab, ketib qolmang yana! — P. Tursun, Oʻqituvchi

Sen supada oʻtir, oʻtkinchilar yana bir narsani ilib ketmasin! — Oybek, Tanlangan asarlar

1. Takroran, qaytadan, yangidan.YİNE

2. Bundan tashqari, buning ustiga.ÜSTELİK

1. еще, опять, снова

2. да, вдобавок к этому

3. будущий, грядущий

adv 1. else, again, some more

2. next

1. jáne, taǵı, qaytadan

2. bunnan basqa, bunıń ústine

3. basqa, basqa bir

4. jáne de

noch, wieder, erneut

oʻzbekchayanaruschaснова, опятьinglizchaagain

Emdi yorï, yana ewrä kelmä ay ersig urï Endi bor va bu yerga boshqa kelma, ey mard yigit – Теперь иди, и снова сюда не приходи, о мужественный юноша – Now go, and again do not come here, O manly youth