ямоқ

от 1. Бирор нарсанинг йиртилган, тешилган, узилган жойини ямаш, бутунлаш учун мўлжалланган бир парча мато, чарм ва шу кабилар

Шимининг тиззаси билан ўнг чўнтагининг тагига ямоқ солинган эди. — С. Кароматов, Олтин қум

Плансиз, муваққат уйлар, зар либосга бўз ямоқ сингари, қалъа ҳуснини бузиб турибди. — Газетадан

2. Ямоқ солинган, ямоқли жой.

Шерали, жуда бўлмаса, битта ямоқни бекитмоқчи бўлиб, кўйлагини шимининг устидан туширди. — С. Кароматов, Олтин қум

У отасининг чанг босган бўйнига, чопонининг елкасидаги ямоқларга назар солди. — Ш. Тошматов, Эрк қуши

3. Ямаш талаб этадиган, ямаладиган нарса, буюм.

У энди вақтининг кўпини ҳар ким келтирган ямоқларни ямаш билан ўтказа бошлади. — Ойбек, Танланган асарлар

4. Ямаш, ямашга оид.

Ямоқ ишлари сийраклашгач, ювилган кийимларга дазмол босишди. — Шуҳрат, Шинелли йиллар

5. Ямоқ солинган, ямаб тикилган; ямалган, ямоқли.

Ямоқ кўрпа. Ямоқ тўн. Ямоқ этик,

Айвон устунига суяниб турган ола-була ямоқ чопонли бир бола келиб, унинг олдига тушди: — Қани, юринг, муллака! — П. Турсун, Ўқитувчи

Тиззаси ямоқ шимни торлик қилиб қолгунча кийиб юрди. — У. Икромов, Унутилмас хотиралар

6. кўчма Тузалган яранинг изи, чандиқ.

Юзнинг ямоғи.

Меҳмоннинг бошида қандайдир тиртиқ, ямоқ доғлар, соч чиқмаган жойлар ҳам бор эди. — У. Исмоилов, Сайланма

7. кўчма Кам-кўстни, камчиликни тўлдирган нарса.

Ёмонга ёмон бул, Яхшига ямоқ бўл. — Мақол

Пахтадан келган ҳаён чорвага ямоқ бўлиб кетарди. — Й. Шамшаров, Тошқин

Бирор нарсанинг йиртилган, тешилган, узилган жойини ямаш учун мўлжалланган бир парча мато, чарм ва ш.к.YAMA

заплата, латка

ямоғи бор-у йиртиғи ёʻқ заплатки есть, а дырок нету (Пёстрая корова)

ямоқ бўлса ҳам эски тўн афзал мил старый халат, пусть даже с заплатами; соотв. старые башмаки никогда не жмут

н patch, scar

jamaw, jamawlı, jamaw basılǵan, jamawı bar

Flicken n, Flickfleck m