яланг

yalang

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

яланг И

от 1. Дов-дарахциз, иморациз; очиқ, бўш.

Яланг ер. Яланг майдон. Яланг қир.

Ҳамманглар ҳам яланг далада туғилганмисизлар? — Шуҳрат, Шинелли йиллар

Атроф яланг, қум саҳроси. — Ш. Тошматов, Эрк қуши

Қумли дўнгликнинг олди денгиз томон пасайиб, кети яланг текисликка туташади. — Фан ва турмуш

2. айн. Яланглик.

Аҳмаджон синчиклаб қараса, эҳе шунча одам кеча кечаси қаерда экан? Ялангларга, ёʻлкаларга одам сиғишмас эди. — А. Қаҳҳор, Олтин юлдуз

— Меҳмонларни кутиб ол, қизим. Мана бу ерга жой қил, — деди Абдували ота, чайла ёнидаги ялангни кўрсатиб. — Ҳ. Иброҳимов, Оддий кечада

3. Кийимсиз, яланғоч.

Эгнида бир енги тирсакдан, бир бари тамоман ёʻқ илма-тешик бўз яктак бош-оёғи яланг чолни кўриб, Ғуломжоннинг юраги эзилиб кетди. — М. Исмоилий, Фарғона тонг отгунча

Эгнида отигина қолган жулдур яктак, йиртиқ иштон, оёқлари яланг — М. Исмоилий, Фарғона тонг отгунча

4. Бир қават, енгил, юпқа кийимда.

Ойнисанинг юраги уриб, совуққа яланг чиққандай, эти увишиб кетди: Уруш!. — Ҳ. Ғулом, Тошкентликлар

5. айн. Яланг қават 2.

Шоирнинг устида яланг қўнғир мовут чакмон. — Ойбек, Навоий

6. Қиндан чиқарилган; яланғоч.

Қирқ азамат, бўл ҳа-бўл деб, Қилич яланг келаётир. — Хушкелди

Яланг қават 1. Бир толадан иборат, бир қават. Яланг қават ип;Яланг қават тўни тагидан икки қўлини орқасидан ўтказиб, қадам санаб бораётган Маҳкам тақачи кўринди. — Р. Файзий, Ҳазрати инсон

яланг ИИ

от Ҳамма вақт; ҳамиша, доим, нуқул.

Яланг кулади. Яланг бир хил овқат пиширади. Сиз билан яланг шу ерда учрашиб қоламиз.

Катта амалда ишлайдиган одамларнинг болалари ёмон ўқишса ҳам, яланг аъло баҳо қўяди — М. Исмоилий, Одамийлик қиссаси

Мақоладаги хато ҳақида хабар бериш