xunuk

sft. 1. Koʻrinishi yoqimsiz; koʻrimsiz, chiroyli emas.

Fransuzlar dunyoda xunuk ayollar yoʻq, faqat oʻziga oro bermagan, parvarishsiz ayollargina bor, deb hisoblashadi. — Saodat

Voy-vuy, qishlogʻimiz shunaqa xarob, shunaqa xunukmi! — A. Qahhor, Qoʻshchinor chiroqlari

2. koʻchma Yoqimsiz; noxush, jirkanch.

Xunuk voqea.

Har qalay, kecha xunuk ish boʻldi. — S. Ahmad, Ufq

Bechora xotinning insonlik qadr-u qiymatini yerga uradigan nihoyat-da xunuk yoʻl bu. — M. Ismoiliy, Fargʻona tong otguncha

3. koʻchma Qoʻrqinchli.

Uning [Anvarning] koʻzlari qorongʻida charaqlar, vajohati xunuk edi. — Oʻ. Hoshimov, Qalbingga quloq sol

4. koʻchma Quloqqa yoqmaydigan, yoqimsiz eshitiladigan.

Xunuk tovush.

Tuni bilan boʻlgan gʻazabli boʻkirishlar, xunuk alahlashlar, yirtqichday uvlab yigʻlashlar tindi. — A. Muxtor, Opa-singillar

Jimjit qabriston tepasidagi chinorda boyqush xunuk sayradi. — S. Ahmad, Ufq

Koʻrinishidan kishini oʻziga jalb qilmaydigan; koʻrimsiz.ÇİRKİN, BİÇİMSİZ, NAHOŞ

некрасивый, неприглядный, неблаговидный, неприятный

xunuk ishlar неблаговидные дела

xunuk xabar неприятная весть.

a plain, ordinary looking, not beautiful

sıqılsız, sıqılı joq, kelbeti kelispegen

hässlich, unschön, nicht schön

некрасивый; неприятныйанглийскийugly; unpleasant (face)французскийlaid; mauvais, désagréableарабскийغَيْرُ جَمِيلٍ، قَبِيحٌ