ХИМИЧЕСКОЕ ОБЕЗВОЖИВАНИЕ НЕФТИ

ХИМИЧЕСКОЕ ОБЕЗВОЖИВАНИЕ НЕФТИ

1. Neftni kimyoviy suvsizlantirish — emulsiyani kimyoviy reagentlar yordamida ajratish. N.k.s. samaradorligi maʼlum darajada qoʻllanilayotgan reagentga bogʻliq. Samarali reagentni tanlash, oʻz oʻrnida saqlanayotgan neftni suvsizlantirish suvli emulsiyaning koʻrinishi va neftning xususiyatlariga bogʻliq. Reagent-deemulgatorlar har bir konkret holda maxsus laboratoriya va sanoat tadqiqotlari asosida tanlanadi. N.k.s. neftni suvsizlantirishning mujassamlashgan usullari singari, neftga suvli emulsiya reagenti bilan taʼsir etilgandan keyin gravitatsion tindirishni oʻz ichiga oladi. Suvsizlantirilayotgan emulsiyaga reagent-deemulgator qoʻshib aralashtiriladi, soʻngra neftdan suv maʼlum sharoitlarda tindirish yoʻli bilan ajratiladi. N.k.s.ning uchta asosiy usuli bor: — deemulsatsiyaga asoslangan suvsizlantirishning neft qudugʻida qoʻllash («quduq ichidagi deemulsatsiya»). Bu usulda reagent quduqda qoʻshiladi; — neft yigʻuv quvur uzatgichlarida amalga oshiriladigan deemulsatsiyaga asoslangan, suvsizlantirish (yoʻlakay, oraliq deemulsatsiya). Reagent neft yigʻuv kollektorining boshlangʻich uchastkasida qoʻshiladi; — deemulsatsiya va neftni suvsizlantirish tindirigich rezervuarlarning oʻzida, ular emulsiya bilan toʻldirilgandan keyin reagent qoʻshib amalga oshiriladi. Bulardan birinchi ikki usul bir qator ustunlikka ega va samarali. Hozir Oʻzbekiston neft sanoatida M.L.Reapon (Rossiya), Dissolvan (Kloriant, oldingi xexst, FRG), Separol (Basf, FRG), Akvanoks (Beyker Xyuz, Buyukbritaniya), R-11 (Toxo kemikol, Yaponiya) va sh.k. reagentlar suvsizlantirishda keng qoʻllaniladi.