ХИМИЧЕСКОЕ ОБЕЗВОЖИВАНИЕ НЕФТИ

ХИМИЧЕСКОЕ ОБЕЗВОЖИВАНИЕ НЕФТИ

1. Нефтни кимёвий сувсизлантириш — эмулсияни кимёвий реагентлар ёрдамида ажратиш. Н.к.с. самарадорлиги маълум даражада қўлланилаётган реагентга боғлиқ. Самарали реагентни танлаш, ўз ўрнида сақланаётган нефтни сувсизлантириш сувли эмулсиянинг кўриниши ва нефтнинг хусусиятларига боғлиқ. Реагент-деемулгаторлар ҳар бир конкрет ҳолда махсус лаборатория ва саноат тадқиқотлари асосида танланади. Н.к.с. нефтни сувсизлантиришнинг мужассамлашган усуллари сингари, нефтга сувли эмулсия реагенти билан таъсир этилгандан кейин гравитацион тиндиришни ўз ичига олади. Сувсизлантирилаётган эмулсияга реагент-деемулгатор қўшиб аралаштирилади, сўнгра нефтдан сув маълум шароитларда тиндириш ёʻли билан ажратилади. N.k.s.ning учта асосий усули бор: — деемулсацияга асосланган сувсизлантиришнинг нефт қудуғида қўллаш («қудуқ ичидаги деемулсация»). Бу усулда реагент қудуқда қўшилади; — нефт йиғув қувур узатгичларида амалга ошириладиган деемулсацияга асосланган, сувсизлантириш (ёʻлакай, оралиқ деемулсация). Реагент нефт йиғув коллекторининг бошланғич участкасида қўшилади; — деемулсация ва нефтни сувсизлантириш тиндиригич резервуарларнинг ўзида, улар эмулсия билан тўлдирилгандан кейин реагент қўшиб амалга оширилади. Булардан биринчи икки усул бир қатор устунликка эга ва самарали. Ҳозир Ўзбекистон нефт саноатида М.Л.Реапон (Россия), Диссолван (Клориант, олдинги хехст, ФРГ), Сепарол (Басф, ФРГ), Акванокс (Бейкер Хюз, Буюкбритания), Р-11 (Тохо кемикол, Япония) ва ш.к. реагентлар сувсизлантиришда кенг қўлланилади.