xalta

ot 1. Kichkina qop, qopchiq.

Bolalar yopishavergach, [kampir] xaltani ochishga majbur boʻldi. — Oybek, Tanlangan asarlar

Alamazon xaltani sholchaga qoʻyishi bilanoq, qizcha unga talpinib, qoʻlini choʻzdi. — A. Obidjon, Akang qaragʻay Gulmat

2. Ozish tufayli odam yoki hayvon badanida, koʻpincha yuzida salqib, osilib qolgan teri.

— Koʻngil oʻlsin, iloyim. Jagʻida jagʻ qolmay, lunji xalta boʻp ketsa ham, yigitman deydi, — dedi kampir — A. Ubaydullayev, Hayot oqimi

Buzoqcha sigirning xalta boʻlib qolgan yelinini turtib-turtib, shiddat bilan ema ketdi. — S. Nurov, Maysalarni ayoz urmaydi

3. zool. Baʼzi hayvonlarning qorni ostida boʻladigan, yosh bolasini solib koʻtarib yurishga moslangan xaltasimon teri qatlami.

Xaltalilarning urgʻochisi tugʻilgan bolasini ancha vaqt qornidagi xaltasida olib yuradi. — Zoologiya

4. Kiyimning osilib, salqi boʻlib turgan joyi.

Qurbon aka yana Mamajonga oʻgirildi: nimpar koʻk kitelining etaklarini qorni turtib turibdi, yoqa tugmalari ochiq. Shimining tizzalari xalta boʻlib turibdi. — S. Nurov, Narvon

Kichkina qop, qopchiq.ÇUVAL, TORBA

сумка, торба, мешок (см. также to‘rva)

n bag, sack, shopping bag (to'rva)

1. qalta, qap, qapshıq

2. azǵannan keyingi bette semip qalǵan teri

Tasche f, Tüte f, Beutel m, Sack m