Внутренний портрет героя

qahramonning ichki portreti. Qahramonning maʼnaviy dunyosi tasvirini anglatuvchi shartli termin. Ijodkor qahramonning kechinmalari, oʻy-fikrlarini hikoya qilish orqali uning maʼnaviy, yaʼni ichki portretini chizadi. Adabiy asarlarda koʻpincha qahramonning tashqi portreti bilan, maʼnaviy dunyosi tasviri uygʻunlashib ketadi. Bunday xususiyat xalq ogʻzaki ijodi uchun ham, yozma adabiyot uchun ham xarakterlidir. Masalan, xalq eposidagi devlar, jodugarlar tashqi koʻrinishlari bilan ham, qilmishlari bilan ham salbiy obrazlar sifatida koʻzga tashlanib turadi. Xalq qahramonlari esa jismoniy goʻzal, maʼnaviy barkamol obrazlardir. Ulugʻ rus tanqidchisi N. G. Chernishevskiy «Sanʼatning hayotga estetik munosabati» monografiyasida, insonning tashqi koʻrinishi bilan maʼnaviy dunyosi oʻrtasida mutanosiblik mavjud, degan fikrni ilgari surgan edi.