ushoq

ot 1. Nonning mayda boʻlakchalari; uvoq.

Suxari ushogʻi. Patir ushogʻi.

— Qad-dini koʻtarguncha, zavodchi boylardan soliq olinmasligi kerak, — dedi non ushoqlarini terib oʻtirgan Yolmonboy. — J. Sharipov, Xorazm

Rahmim kelib ularga, Ayvonchaga don sepdim. Har xil narsa: qoʻnoq, soʻk Hamda ushoq non sepdim. — Uygʻun

2. Jussasi, gavdasi kichik, zaif, nimjon.

Ushoq kishi,

Hikoyani tinglagan sarim, bu qotma, ushoq chol koʻz oʻngimda salobat kasb etib gavdalanardi. — H. Nazir, Uzr, otaxon

Yoshi qirq beshga borib qolgan ushoq, pakana Nurullayev turmada battarroq choʻkdi. — J. Sharipov, Xorazm

3. shv. Bola, bola-chaqa.

[Oqsoqol:] Moʻgʻul kelib, oʻzimizni qul qilib olsa, xotin, ushogʻimizni bozorga chiqarib sotsa, yaxshimi? — M. Osim, Oʻtror

Nonning mayda boʻlakchalari; uvoq.KIRINTI (EKMEK), UFAK

крошка, маленький

n bread crumbs

1. usaq

2. mayda, jińishke, ázzi, kishkene gewdeli

3. dial. bala, bala-shaǵa

Krümchen n, Brösel m, Krümel m