tutqun

ot 1. Asir olingan, asirlik ho-latidagi shaxs; asir, bandi.

Oradan yarim soat oʻtar-oʻtmas, haligi turkman yana tutqunlar qoshida paydo boʻldi. — S. Ayniy, Qullar

[Togʻamni] Tutqun qilib olganlardan biri men bilan oʻzlari orasida oʻtgan voqeani u yerdagilarga aytib berdi. — S. Ayniy, Esdaliklar

Farzandim, yolgʻizim, gʻanimlarga tutqun boʻlib qolmagin. — Ravshan

Bundan ortiq jazo berishdan oʻzini tiydi, sabab ustod Qavom boshqa tutqun kishilarning qahrli koʻzlaridan hayiqdi. — Mirmuhsin, Meʼmor

2. koʻchma Erki, huquqi oʻzida boʻlmagan, huquqi birov ixtiyorida boʻlgan.

Seni koʻrdim, yodimga tushdi Yoshligimda koʻrgan bir juvon. Oʻzi suxsur kabi goʻzal edi, Faqat tutqun, bagʻri toʻla qon. — Uygʻun

Biz baliq ovlovchi, tutqun qullarmiz, Ne tutsak, xon tomon darhol yoʻllarmiz. — S. Abdulla

[Zumrad] Shuncha tutqun boʻlishiga qaramasdan, bu qizning qalbiga muhabbat olovi allaqachon tushgan edi. — S. Zunnunova, Gulxan

пленный, пленник, узник, невольник

n prisoner, captive

• tutqun qilmoq take prisoner

tutqın

русскийпленный, пленник, узниканглийскийprisoner, captive, imprisonedфранцузскийprisonnier, captif, exclaveарабскийأَسِيرٌ (أَسْرَى - أُسَرَاءُ), مَحْبُوسٌ, سَبِيٌّ, حَبِيسٌ