tuman

ot 1. Atmosferaning quyi qatlamlarida yuzaga keladigan mayda suv yoki muz zarralari.

Quyuq tuman. Tonggi tuman.

Havo tuman boʻlganidan oʻrmon koʻzga koʻrinmas edi. — M. Muhamedov, Qahramon izidan

Sal oʻtmay soylikni oqish harir tuman qopladi. — O. Yoqubov, Izlayman

Roʻparada past-baland choʻqqilarini osmonga turtib, koʻkish tuman pardasiga burkangan Chotqol togʻlari. — P. Tursun, Oʻqituvchi

2. koʻchma Tumanga oʻxshash, xira, nimqorongʻi holat.

Bahorning fikri bulut bosgan osmonday qorongʻilashdi-yu, koʻz oldini tuman chulgʻadi. — Sh. Rashidov, Qudratli toʻlqin

ot 1. esk. Oʻn ming.

Birniki mingga, mingniki tumanga. — Maqol

2. Nihoyatda koʻp, sanogʻiga yetib boʻlmaydigan, tumonat.

Salomatlik — tuman boylik. — Maqol

Biz uchun eng avvalo tuman boyliklar yaratishga qodir boʻlgan odamlarning salomatligi kerak. — Gazetadan

3. tar. Tilla barobarida oʻn ming soʻm.

[Sohib Doro:] Xalifamiz oʻtgan kuni devon qurib, vazirlari va beklaridan ikki tuman aqcha topib bermoqni talab etibdurlar. — M. Osim, Zulmat ichra nur

4. tar. Markaziy Osiyo va Xurosonda: oʻn ming otlikdan iborat askariy qism, diviziya.

Men., bir tuman birla gʻanimning oʻng qoʻlidan orqasiga oʻtib oldim. — M. Osim, Oʻtror

Turgin, ota, qara, naq tuman Dushman kelar sarhadma-sarhad. — X. Davron, Bolalikning ovozi

ot 1. tar. Sharqda, jumladan, Oʻzbekistonda 20-asr 20-yillarigacha maʼmuriy-hududiy boʻlinish; uyezd;

Shu oʻttiz chaqirimlik ariq qazilib bitganda, Namangan va Andijon tumanlaridan ikki ming botmongacha yer sugʻorilar edi. — A. Qodiriy, Mehrobdan chayon

Mardon asli Sherobod tumaniga qaraimi bir qishloqlik yigit. — M. Osim, Elchilar

2. Oʻzbekistonda: viloyat, shahar hududida ularning tarkibiy qismi boʻlgan maʼmuriy-hududiy boʻlinma.

Fargʻona viloyatining Oltiariq tumani. Toshkent shahrining Yakkasaroy tumani.

Bu haqda hikoya qilishni tumandagi oilalardan boshladik. — Gazetadan

ot shv. Tuban, quyi.

ot Eronda 1932 yilga qadar muomalada boʻlgan pul birligi.

tuman-tumanruschamgla, mrakinglizchafog

Qararïb tuman tozdï dunya tudï Tuman qorayib butun dunyoni toʻsdi – Чернея, нависла мгла и закрыла мир – the gloom fell and closed the world

n 1. fog, (quyuq) mist

2. province, region

1. duman, gúngirt hawa, puwlangan hawa

2. on mıń

3. sansız, san-mıń, esapsız

4. rayon

Nebel m

Bezirk m

district

Район