ТРЕЩИНОВАТОСТЬ ГОРНЫХ ПОРОД

togʻ jinslaridagi turli oʻlchamli va har xil yoʻl bilan hosil boʻlgan darzliklar majmuasi. Tektonik, nurash, qiyalik, qatlam-qatlam boʻlib koʻchish, qatlamlanish va qatlamlarning siljishidan hosil boʻlgan darzliklar ajratiladi. T.j.d. ularning mustahkamligini susaytiradi, burgʻilash jarayonini qiyinlashtiradi, yuvuvchi suyuqlik yutilishini oshiradi, kern chiqish foizini pasaytiradi, quduq devoridagi jins turgʻunligini kamaytiradi, jins abrazivligini oshiradi. T.j.d.ni baholash mezoni sifatida burgʻilaganda kernni chiqish foizi qabul qilingan. Lekin, burgʻilash amaliyotida kern chiqishi darzlilikdan tashqari, jinslarning fizik holatiga (gʻovakliligi, kovakliligi, nuraganligi va sh.k.), jins maydalovchi uskunaga va burgʻilash texnologiyasiga bogʻliqligi aniqlangan. Shu sababli darzlilikning miqdoriy koʻrsatkichi sifatida kernni boʻlaklarga boʻlinish darajasi qabul qilingan. Uning qiymati 1 m kerndagi jins boʻlaklari va ustunlari soni bilan aniqlanadi. T.j.d. olmosli burgʻilashda quyidagicha tasniflanadi (T.9-jadval)., Togʻ jinslarining darzliqligi