toʻqimoq

fl. 1. Toʻqima gazmol yoki buyum yasamoq, tayyorlamoq.

Chit toʻqimoq. Paypoq toʻqimoq. Zambil toʻqimoq. Toʻqilgan roʻmol. Mulla bilganin oʻqir, Boʻzchi bilganin toʻqir. — Maqol

Ellikboshi mayin toʻqilgan chakmonini yechdi, tuxumday silliq va oppoq sal-lasini olib, qoziqqa ildi. — Oybek, Tanlangan asarlar

Oʻzing toʻqib ketgan katta savatda Toʻlatib shaftoli uzib chiqaman. — Gʻ. Gʻulom

2. koʻchma Ijod etmoq, yozmoq; bastalamoq.

Sheʼr toʻqimoq. Qoʻshiq toʻqimoq.

Soʻzini oʻzim yozganman, ohangini Anorxon toʻqidi. — I. Rahim, Ixlos

Voy, u chalgan dutorni, toʻqigan gʻazallarni eshitsangiz! — M. Ismoiliy, Fargʻona tong otguncha

Sanʼatkor faqat qiziqchiliklarnigina emas, balki kichik kulgili hikoyalarni ham toʻqirdi. — T. Obidov, Yusufjon qiziq

3. koʻchma Yoʻq yerdan oʻylab chiqarmoq; soʻqmoq, uydirmoq.

Gap toʻqimoq. Igʻvo toʻqimoq. Bilgan oʻqir, bilmagan toʻqir. — Maqol

Hammasi boʻlgan gapda. Boʻlmasa, yolgʻonni shunday toʻqib boʻladimi-ya, oʻrtoq Doʻsmatov? — P. Tursun, Oʻqituvchi

Ming bir kechaning Shahrizodasi afsona toʻqib, oʻlimdan qutulib qolganday, Muxtorxon ham yuqoridagi singari rivoyatlar panohida omon yuribdi. — H. Gʻulom, Mashʼal

1. Toʻqima gazmol yoki buyum yasamoq, tayyorlamoq.DOKUMAK

2. Yoʻq yerdan oʻylab chiqarmoq.DÜZMEK

1. ткать

2. вязать, плести

u yoqqa boradi, bu yoqqa boradi, boʻz toʻqiydi туда побежал, сюда побежал — ткань соткал (Паук)

3. сочинять, слагать

• afsona toʻqimoq создавать легенды
• qoʻshiq toʻqimoq слагать песни
• gap toʻqimoq сочинять небылицы

v 1. weave, compose

• afsona toʻqimoq spin a tale
• qoʻshiq toʻqimoq compose a song

2. knit, crochet

toqıw

1. weben vt

2. flechten vt, klöppen vt

3. (o‘ylab chiqarmoq) ausdenken vt, erfinden vt