toʻpolon

ot 1. Behalovat, tartibsiz oʻyin, shoʻxlik.

Bola-da. Bola boʻlgandan keyin, toʻpoloni, shoʻxligi bilan boʻladi-da! — Shuhrat, Shinelli yillar

Hamroyev kechki ovqatdan keyin birpas choʻzilmoqchi boʻlgan edi, toʻgʻri kelmadi: narigi uy toʻpolon — bolalar bir-birini yostiq bilan urib oʻynayotibdi. — A. Qahhor, Ayb kimda?

Har bir toʻyda toʻpolon qilib, bearmon oʻynab-kulishga oʻrgangan bolalar bu ulugʻ toʻydan norozi edilar. — Oybek, Tanlangan asarlar

2. Umuman, betartib gʻovur-gʻuvur harakat; yugur-yugur, qiy-chuv, ur-yiqit.

[Joʻra:] Ogʻayni, bu yana nima toʻpolon? — I. Sultonov, Burgutning parvozi

Sen toʻpolonda bilmading. Melis ikkalamiz Gʻani toʻtini ham rosa doʻpposladik. — E. Raimov, Ajab qishloq

Vahimaga tushgan qoʻshin birdan oʻzini orqaga tashladi, ammo ur-sur toʻpolonda koʻprikka sigʻmay, ot-ulovlari bilan suvga tutday toʻkila boshladi. — P. Qodirov, Yulduzli tunlar

3. Urish-janjal, mashmasha, mojaro.

Arzimagan gap ustida dunyo buzgan kundosh toʻpolonlari kimning qulogʻiga yoqsin? — A. Qodiriy, Oʻtgan kunlar

Sherbek Oqsoyga toʻrt kun deganda, toʻpolon ustiga yetib keldi. — S. Anorboyev, Oqsoy

Bir toʻpolon chiqazib, obroʻsini uch pul qilay dedim-u, yana shaytonga hay berdim. — Mushtum

4. koʻchma Isyon, gʻalayon.

Toʻpolon chiqarmoq (koʻtarmoq).

[Navoiy :] Shohim mendan nima istaydilar. [Husayn:] Darveshali toʻpolonini bartaraf qilish va fitnachini tiriklay tutib keltirishni oʻzlariga havola qilsak. Uygʻun va — I. Sulton, Alisher Navoiy

Suvoriy kazaklar kimdandir darak topib, gʻalayonni bostirgani kelishgan edi. Toʻpolon bosilib, Madrasa oldi jimjit boʻlgach, yana kazarmaga qaytib ketdilar. — S. Siyoyev, Avaz

Behalovat, tartibsiz.PATIRTI KARGAŞALIK

1. суматоха, сумятица, шум, скандал

2. шалость, озорство

n bustle, turmoil, noise, quarrel

1. shataq, bi- ymazashılıq (kishkene balalar haqqında)

2. topalań, topılıs, astan-kesten, qıyan-keski

3. daw-jır, patırat, ǵawǵa

4. qozǵalıs, kóterilis, narazıshılıq

Durcheinander n, Wirrwarr m

русскийсуматоха, скандал; шалость, озорствоанглийскийbustle; turmoil; noisiness; prank, mischiefфранцузскийbagarre, agitation, scandale, gaminerie, polissonnerieарабскийشَوْشَرَةٌ