токча

от 1. Маҳаллий уйларда идиш-товоқ ва бошқалар анжомлар қўйиш учун деворда квадрат ёки бошқа шаклда ишланган махсус жой.

Элмурод кўрпачага ўтирди. Сўнгра ён-берига куз югур-тирди. Кичкина токчаларга ранг-баранг чинни ва сопол косалар терилган эди. — П. Турсун, Ўқитувчи

Токчаларга мискўза, самовар, қумғон, жом, чинни пиёлалар тартиб билан териб қўйилибди. — К. Яшин, Ҳамза

Токчалари ганчдан ажойиб гуллар билан ишланган катта уйда бир талай одам ўтирган эди. — Ойбек, Навоий

2. Умуман, вазифаси, шакли ёки бошқа бирор жиҳати билан токчага ўхшаш нарса, жой.

Токилар остидаги дўконларнинг токчаларига уйилган ҳарир моллар шойи, атлас ва бошқа ранго-ранг баззозлик моллари бу ерга келганларнинг кўзини ўйнатади. — Мирмуҳсин, Меъмор

Шкаф токчаларига териб қўйилган турли ичимликлар яққол кўриниб турибди. — С. Азимов, О, Лайло

Абдували ака дераза токчасига омонатгина ўтирди. — С. Зуннунова, Янги директор

Улар [кийиклар] беш-олти газ пастда — токчада, икки томон эса тик девор. — Ш. Холмирзаев, Бодом қишда гуллади