техника

texnika

1 та луғатда: Изоҳли яна 4 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

техника

от 1. Жамиятнинг инсон фаолиятидаги ишлаб чиқариш жараёнларини амалга оширувчи ва ноишлаб чиқариш эҳтиёжлари учун хизмат қилувчи воситалар йиғиндиси.

Илғор техника. Авиация техникаси. Пахта териш техникаси. Техника фанлари. Техникадан унумли фойдаланмоқ.

Душман Орёл ва Белгород раёнларига бу кунгача ҳеч қайси фронтда кўрилмаган ёки оз кўрилган техникани тахт қилиб қўйган эди. — А. Қаҳҳор, Олтин юлдуз

Жабборов техникани яна бир сидра кўздан кечириш учун беш кун имконият борлигини айтди. — Н. Ҳайитқулов, Ер тафти

Бизнинг замонамиз ишлаб чиқарувчи кучларнинг шиддат билан ривожланиши, фан ва техника тараққиётининг тезлашиши билан характерланади. — Фан ва турмуш

2. Ишлаб чиқаришнинг бирор соҳасида қўлланадиган машина, механизм, асбоб, қурол, мослама ва шу кабилар мажмуи.

3. Бирор иш-фаолият ёки ҳаракат турида орттирилган маҳорат даражаси, малака ва кўникмалар йиғиндиси; санъат, маҳорат.

Сузиш техникаси. Қурилиш техникаси. Спорт техникаси. Балет техникасини эгалламоқ.

Техника экинлари Ҳосили саноат учун хомашё сифатида ишлатиладиган экинлар (масалан пахта, зиғир, каноп, қанд лавлаги, кунгабоқар ва шу кабилар).
Хавфсизлик техникаси ёки техника хавфсизлиги Ишлаб чиқаришда ҳалокат ва фалокатларнинг олдини олишга қаратилган иш усуллари ва воситалари тизими. Коммунал хўжалик идоралари техника хавфсизлиги юзасидан ғамхўрлик қилишлари даркор. — Газетадан