tepmoq

тепмоқ

6 ta lugʻatda uchraydi JSON Shevalarda Barcha qidiruv natijalari

Izohli lugʻat

tepmoq

fl. 1. Oyoq bilan zarb bermoq.

Koptok tepmoq. Eshikni tepib ochmoq. Itni qopmas deb boʻlmas, otni tepmas deb boʻlmas. — Maqol

U [Soli sovuq] shoshib-pishib, Azim boyvachchaning koʻkragidan itarib edi, Azim uning kindigiga oʻxshatib tepdi. — M. Ismoiliy, Fargʻona tong otguncha

Polvon uni bir tepib, yerga agʻnatdi-yu, boʻgʻzidan bosib turaverdi. — S. Siyoyev, Avaz

2. Oyoq bosib, tepkilab biror ish qilmoq.

Tom tepmoq. Loy tepib pishitmoq.

Kechalari shinni uchun uzum tepadilar, kunduzi ularni aravalab shaharga tashiydilar. — Oydin, Yamoqchi koʻchdi

Loy tepish, loy qorish ishlari qilinmaydi. — Mushtum

3. Oʻq uzish yoki boshqa bir ish paytida zarb bilan orqaga siljimoq, urmoq.

Bu miltiq qattiq tepar ekan.

Nima balo boʻldi, mashinaning ruchkasi tepib oldimi, dey-man — I. Rahim, Shonli avlod

4. koʻchma Ritmik harakat qilmoq, dukullamoq, urmoq (yurak va qon tomirlari haqida).

Yuragim gurs-gurs tepadi.

Ular [yigit bilan qiz] darvoza tagiga oʻtirdilar va shu zayl bir necha vaqt nafaslarini yutib, goʻyo bir xilda tepayotgan qalblarini tinglab, indamay qoldilar. — P. Tursun, Oʻqituvchi

Bashorat oʻzining oqarib ketganini sezdi, chakka tomirlarida qon gupullab tepardi. — A. Muxtor, Opa-singillar

5. koʻchma Tepaga, yuzaga (sirtga) koʻtarilib chiqmoq, koʻrinmoq, namoyon boʻlmoq.

Qizamiq sirtga tepdi. Sizot suvlar yer betiga tepib chiqdi.

Ter kuchli ishqorli reaksiya beradi va u tanaga tepib, shoʻrga aylanadi. — Fan va turmush

Nima uchundir yuragi hovliqar, tez-tez urar edi. Yuziga qon tepgan. — Shuhrat, Shinelli yillar

Onaning dili oʻgʻlining yuziga tepib chiqqan alamli norozilikni, aniq boʻlmasa ham, darrov sezgan edi. — S. Anorboyev, Oqsoy

6. Baʼzi soʻzlar bilan birikib, narsaning shu soʻz bildirgan joyga urishi, yetishi maʼnosini bildiradi.

Ana, gʻoʻzalarimizga oʻzingiz bir qarang, belga tepadi-ya! — M. Ismoiliy, Fargʻona tong otguncha

Beliga tepmoq Oʻzi bogʻlanib kelgan soʻz bildirgan narsaning boʻlishiga xalaqit bermoq, uni uzib, toʻxtatib qoʻymoq maʼnosini bildiradi. Ishning beliga tepmoq. Gapning beliga tepmoq.E-e, senmisan? Ammo uyquning ham beliga tepding-da! Tinchlikmi oʻzi? — O. Yoqubov, Er boshiga ish tushsaBu orada rotalardan maʼlumot olib kelgan aloqachilar suhbatning beliga tepdi. — Shuhrat, Shinelli yillar
Burga tepdi Tobi qochgan kishiga nisbatan qoʻllanadi. Sizni qanaqa burga tepdi, yotib olibsiz? — A. Muxtor, Boʻronlarda bordek halovat
Orqasiga tepmoq Voz kechib haydamoq, quvmoq. Dunyo yalinib kelgan vaqtda shoh Mashrab uning orqasiga tepgan ekanlar dunyo oʻzi bevafo, orqasiga tepsang arziydi. — Oybek, Tanlangan asarlar
Tilab olgan bolamni echki tepib oʻldirdi Zoʻrgʻa, juda qiyinchiliklar bilan erishgan narsasidan ayrilganlik, mahrum boʻlganlikni ifodalovchi maqol.
Toʻydirganning qorniga tepmoq Yaxshilik, himmat qilgan, qoʻllab-quvvatlaganga yomonlik bilan javob bermoq maʼnosidagi ibora. Endi toʻydirganning qorniga tepma-da. — A. Muhiddin, Chap choʻntak
Oʻlganning ustiga (chiqib) tepmoq Biror yomon holatning ustiga yana boshqasi yuz berishi maʼnosidagi ibora. Kolyaning haqorati qalbini nashtardek tilgan Fotima opaga odamlarning taʼnasini eshitish oʻlganning ustiga tepgandek boʻldi. — R. Fayziy, Sen yetim emassanqoʻlingda xating bor, oʻlganning ustiga chiqib tepgandek, xat-xabar-siz qoʻyma! — A. Qodiriy, Oʻtgan kunlar

Oʻzbekcha-turkcha izohli lugʻat

TEPMOQ

Oyoq bilan zarb bermoq.TEPMEK, TEKMELEMEK

Ruscha-oʻzbekcha va oʻzbekcha-ruscha lugʻat

tepmoq

1. погов. пинать, лягать

otni tepmaydi dema, itni qopmaydi dema (букв. не думай, что лошадь не будет лягать, а собака не будет кусать) к собаке сзади подходи, а к лошади — спереди

2. топтать, притаптывать, утаптывать, затаптывать

loy tepmoq топтать глину, месить глину ногами

kalta momom loy tepar маленькая моя тётя глину месит (Сакич — жевательная смолка)

tepdim, tepdim, terakka chiqdim пнул, топнул — и на тополь влез (Лестница)

3. биться (о сердце)

soʻzning (gapning) beliga tepmoq перебить (прервать) разговор на самом интересном месте
ishning beliga tepmoq нанести серьёзный ущерб делу (работе).