tejamoq

fl. 1. Ortiqcha sarfga yoʻl qoʻymaslikka harakat qilib ish tutmoq, ayash, tejam bilan sarflamoq.

Umidning qiyinchilik bilan katta boʻlganini hamma bilardi — kiyimni yaxshi kiyishi, pulni tejashi ham shundan. — Mirmuhsin, Umid

Malaxov qancha ayab, tejab otmasin, oʻqi kutgandan tez tugab borardi. — Shuhrat, Shinelli yillar

Minutlarni tejang, oʻtmasin damlar — R. Bobojon

2. Isrof qilmaslik yoʻli bilan orttirmoq, ishlatmay, sarflamay qoldirmoq.

Shunday boʻlsa ham, tushlikka chiqqanda, yarim soatgina vaqtni tejab, oshxonadan chiqdi-yu, Halim boboning bogʻiga yoʻl oldi. — Sh. Rashidov, Boʻrondan kuchli

Yem-xashakdan mohirona foydalanish tufayli chorvadorlar koʻp miqdordagi donni tejab qoldilar — Gazetadan

3. Kimsani yoki oʻzini ehtiyot qilmoq, ayamoq, saqlamoq.

Bolani oʻz holiga tashlab qoʻyib boʻlmaydi, uni tejab, tergab turish kerak.

Qutidor qizining peshonasini ushladi: — Ey, ha Kumush, hali issigʻing bor, — dedi. — Oʻzingni teja, qizim, oʻrningni qalin qilib, burkanib yot, terlasang — yorishasan, qizim! — A. Qodiriy, Oʻtgan kunlar

Moddiy boylik, pul, vaqt va sh.k.ni rejasi bilan oʻz oʻrnida sarflamoq. Ehtiyot qilib, ayab, oʻz oʻrnida ishlatish.TUTUMLU OLMAK

экономить, беречь

v save, economize, care for

únemlew, únemlep paydalanıw, ısırap etpew, uqıplı túrde tutınıw, ayaw, saqlaw

sparen vt, ersparen