tegirmon
тегирмонtegirmon
ot 1. Gʻallani, donni yanchib un qilish uchun moslangan, maxsus qismlardan iborat, suv, shamol, elektr energiyasi va shu kabilar kuchi bilan ishlaydigan qurilma.
Suv tegirmon. Shamol tegirmon. Tegirmon toshi. Tegirmonga don olib bormoq.
Soy boʻyida behisob daraxtlar orasiga koʻmilgan tegirmon guvullar edi. — A. Qahhor, Asror bobo
Irmoqlar anhorlarga qoʻshilib, tegirmon, objuvozlarni harakatga keltiradi. — J. Abdullaxonov, Oriyat
2. Shunday qurilma joylashgan bino, joy.
Menga qara, chopib tegirmonga borib kel! Ozgina bugʻdoyga un alishib kelasan. — S. Siyoyev, Yorugʻlik
Tegirmon Shoʻxsoyning boʻyida joylashgan edi. — A. Qahhor, Asror bobo
- Bir tegirmon suv Bir tegirmonni yurgizishga yetarli suv. Ilgari kanal toʻgʻrisi-da gap boʻlganda, Sidiqjon uni biron tegirmon suv eltadigan ariq deb oʻylagan edi. — A. Qahhor, Qoʻshchinor chiroqlari
- Boshida tegirmon toshi yurgizmoq Juda qattiq qiynamoq, azob bermoq, jabr-zulm oʻtkazmoq. etlarimni nishtar bilan tilsinlar boshimda tegirmon toshi yurgizsinlar! Men sizdan ajralmayman! — Hamza, Boy ila xizmatchi
- Tegirmon boshi Tegirmon joylashgan joy. Haydar ota shu oʻy bilan tegirmon boshiga yetganini ham bilmay qoldi. — A. Qahhor, Asror bobo
- Tegirmon navbati bilan Har qanday ishning oʻz muddati, bunda har kimning navbat bilan keladigan tartib oʻrni bor (boʻladi), degan maʼnoli ibora. Nega shoshasiz, tegirmon ham navbati bilan.
- Tegirmon toshi Tegirmonda donni ezib maydalash, un qilish uchun ishlatiladigan, maxsus tayyorlangan tosh. bir oʻgʻil bilan yerga mixlanib oʻtiraverish, tegirmon toshidek, uni kun sayin ezib yuborardi. — D. Nuriy, Osmon ustuni
- Tegirmon qilmoq (yoki tortmoq) Donni tegirmonda un qilmoq. Otamning doʻsti Mahkamboy aka tegirmon qildirib qoʻygan chaksa zogʻora unni orqalab, orqamga qaytdim. — S. Abdulla, Yoshlik yillarim
- Tegirmonga tushsa, butun chiqadi Har qanday noqulay, yomon holatdan qutulishning yoʻlini topadigan, uddaburon maʼnoli ibora. Tinchlan, qizim u keladi. Keladigan vaqt boʻpqoldi. Otamurod — tegirmonga tushsa, butun chiqadigan yigit. — M. Mansurov, Yombi
- Tegirmoniga suv quymoq Kimsaning biror ish-faoliyatiga (odatda, salbiy deb qaraluvchi ishiga) koʻmaklashmoq, unga kuch bermoq. Nahotki doʻst bilan dushmanni ajratolmaysiz. Nahotki muttahamlarning tegirmoniga suv quyganingizni sezmasangiz! — Sh. Rashidov, Boʻrondan kuchli
TEGIRMON
Gʻallani, donni yanchib un qilish uchun moslangan qurilma va shunday qurilma.DEĞİRMEN
tegirmon
мельница
igna tegmasdan qon, tegirmon bermasdan un, tesha tegmasdan ustun загадка иглой не кольнули - уж кровь, на мель-
tegirmon
n mill, elevator
- shamol tegirmon windmill
TEGIRMON
digirman
tegirmon
Mühle f
- suv tegirmoni Wassermühle f