taxta

ot 1. Xodadan uzunasiga tilib olingan yassi yogʻoch boʻlagi.

Qaragʻay taxta. Taxtani randalamoq.

Birinchi xonaga kiraverishda uzun enli taxta qoʻyilibdi. — S. Siyoyev, Yorugʻlik

Gʻulomjon daladagi terakzorlaridan toʻrtta baqaterakni kestirib, taxta tildirdi. — M. Ismoiliy, Fargʻona tong otguncha

2. Boʻr bilan xat yozish uchun maxsus yasalgan maktab-oʻquv quroli.

Xonada oʻntacha eski, chang bosgan parta, kiraverishdagi devorga kattakon qora taxta qoqilgan edi. — P. Tursun, Oʻqituvchi

Bolalarda daftar-u qalam, sinfda taxta-yu boʻr boʻlsa ham, oʻqish kitoblarining yoʻqligi Gʻulomjonni yomon dilxun qilar edi. — M. Ismoiliy, Fargʻona tong otguncha

3. tar. Abjad yozilgan dastali taxtacha (eski maktabda oʻquv quroli sifatida ishlatilgan).

Ikki hafta harflar yozilgan taxta oʻqiganimdan keyin domla: — Shanba kuni haftiyakka tushasan — dedi. — A. Qahhor, Oʻtmishdan ertaklar

4. Turli maqsadda foydalanish uchun taxta, faner va shu kabilardan ishlangan narsa.

Shaxmat taxtasi. Eʼlonlar taxtasi. Yodgorlik taxtasi. Osh taxta,

Men uni tennis taxtasiga boshlab, oʻzimcha oʻyin qoidasini tushuntirgan boʻldim. — H. Nazir, Yonar daryo

Turli voqelik va yangiliklarni yoyishda shior va plakatlar, tematik stend va koʻrsatkich taxtalari alohida oʻrin tutadi. — Gazetadan

5. Turli oʻlchamdagi toʻrt burchak yaxlit qogʻoz, varaq.

Qoching! Oʻzim yozaman, dedim. Oʻtirib, yetti taxta qogʻozni toʻldirdim, eshitganlarimning hammasini yozdim. — Oydin, Sadagʻang boʻlay, komandir

Anavi qutida yaxshi, koʻk chiziqli taxta qogʻoz bor, oʻshandan ikki varagʻini olib, mana bu yerga oʻtir, qizim [dedi Onaxon]. — A. Muxtor, Opa-singillar

6. Shu taxlitdagi, oʻlchamdagi oyna, tosh, metall va shu kabilar; plita.

Marmar taxta. Bir taxta tunuka. Bir taxta oyna. Taxta choy.

Maydonning bir chekkasidagi keksa majnuntol ostida bir-biriga suyab qoʻyilgan ikkita qora tosh taxta sagʻana shaklini olib turar edi. — A. Qahhor, Xotinlar

Chetroqqa chiqib, beton taxtaga oʻtirdim. — S. Siyoyev, Yorugʻlik

7. q. x. Marza bilan ajratilgan yer boʻlagi; karta.

Ikki taxta poliz. Tuyaning hazili bir taxta gʻoʻzani yeydi. — Maqol

Soyga tushguncha koʻndalang egatli alohida taxta boshlanadi. — A. Qodiriy, Obid ketmon

Ochilgan yerni katta-katta taxta Qilib, ish boshladi ekmakka paxta. — Habibiy

ot Suyanchiqsiz keng divan.

Yoʻladan uzunasiga tilib olingan yassi yogʻoch boʻlagi.TAHTA

shaxmat taxtasi шахматная доска доска

qurilishga taxta kerak для строительства нужны доски

n board, wood, plank

• hurmat taxtasi honour roll
• taxta yogʻoch planks, floorboards

1. taxta, faner

2. qaǵaz

3. plita

4. shel menen ajıratılǵan jer bólegi

5. súyengishi joq keń divan

Brett n

board, plague, plane, plank

hurmat taxtasiga qoʻymoq put on the board of honour (honour roll)

xotira taxtasini (lavhasini) ochmoq unveil a memorial plague