tarz

ot 1. (3-shaxs egalik shaklida — tarzi) Oʻzi bogʻlanib kelgan (oʻzidan oldin qoʻllangan) soʻz bildirgan narsaning yoʻsini, koʻrinishi, holati maʼnosini anglatadi.

Hayot (turmush) tarzi.

Onasining gaplari Sanamga hech yoqmagan, lekin gapning tarzidan onasining kampir bilan hamfikr ekanini anglagan edi. — Sh. Xolmirzayev, Toʻlqinlar

Suv muzga aylanganda, modda zarralarining harakat tarzi oʻzgaradi. — Fan va turmush

2. (3-shaxs egalik va oʻrin-payt kelishigi shaklida — tarzida) Ish-harakat, narsa-hodisaning yoʻsini, ravishi maʼnosini bildiradi; yoʻsinida, sifatida.

Koʻngli tortib yurgan odami aytgani uchun xafa boʻlmadi, ammo hazilga hazil tarzida shoʻxlik qildi. — A. Qahhor, Qoʻshchinor chiroqlari

Davra suhbati savol-javob tarzida oʻtdi. — Gazetadan

Shu sababli oʻzingizga sir tarzida aytamanki, Angliya tez orada jahoniy davlat mavqeyini yoʻqotadi. — A. Hakimov, Ilon izidan

3. (oʻrin-payt kelishigi shaklida — tarzda) Belgi bildiruvchi soʻzlar, shuningdek, ayrim olmoshlar bilan qoʻllanib, shu soʻzlar anglatgan belgili holatni, harakat-holatning shunday holat, yoʻsin bilan boʻlishini bildiradi; yoʻsinda, holda.

Hafiz Mirzamuhamedovich odatiga xilof tarzda koʻproq gapirib qoʻyganini payqadi shekilli, birdan toʻxtab qoldi. — S. Karomatov, Oltin qum

Musavvirlar kitobning mazmuniga hamohang tarzda rasmlar chizishgan — Fan va turmush

Shu tarzda ishlar juda sekin siljidi. — P. Qodirov, Uch ildiz

4. koʻm. vzf. (3-shaxs egalik va oʻrin-payt kelishigi bilan — tarzida) Oʻxshatish, qiyos munosabatini bildiradi; sifatida, kabi.

Oʻlpon toʻlashdan bosh tortganlari uchun, oʻn olti ming Xilari jarima tarzida tortib olib kelindi. — P. Qodirov, Yulduzli tunlar

5. shv. Yuz, chehra; qiyofa, ahvol.

Tarzing bordir oy-u kundan ziyoda. — Oysuluv

Tarziga qarasang, bir lochin — shunqor. — Bahrom va Gulandom

1. форма

2. манера, образ, способ

shu tarzda таким образом, так

bir tarzi кое-как; так себе; немного, чуть-чуть

n for, kind, manner, way

• SHU TARZIDA usılay, usılayınsha, usı jol menen

TARZI, TARZIDA táriz, tárizde, tárizli

Weise f, Form f, Aussehen n

way, structure

• ijtimoiy-iqtisodiy formatsiya tarzi social and economic structure
• turmush tarzi way of life