тариқа

от 1. Баъзи сўзлар билан эгалик шаклида, шунингдек, шу, бу, қай каби олмошлар билан қўлланиб, ёʻл, ёʻсин маъносини билдиради.

Ёшликда икковимизнинг кун кўриш тариқамиз, онгимиз бир эди. — А. Қаҳҳор, Сароб

Унинг [Отабекнинг] сўзига қараганда, сиз уни оғирроқ тариқа билан дарбозангиз ёнидан жўнатган экансиз. — А. Қодирий, Ўтган кунлар

Эсон шундай хаёллар билан уйга қай тариқа етиб келганини ҳам сезмади. — Ҳ. Аҳмар, Ким ҳақ?

2. (3-шахс эгалик ва ўрин-пайт келишиги шаклида — тариқасида) кўм. взф. Бош келишикдаги сўз билан қўлланиб, ўхшатиш, қиёс каби маъно билдиради; ёʻсинида, тарзида.

Насиҳат тариқасида. Совға тариқасида. Мисол тариқасида. Ҳазил тариқасида.

Қўлтиқтаёққа дардисар бўлдинг! деган ҳазил-мутойиба тариқасида айтилган сўз, тўғриси, иззат-нафсимга тегди. — Н. Сафаров, Оловли излар

Баъзан у бетимнинг қалини —

жонимнинг ҳузури тариқасида иш қиларди — Мирмуҳсин, Меъмор

Ёʻл, усул, тарз; бирор ёʻсинда.YOL, USUL, TARZ

путь, способ, образ

шу тариқа таким образом (путём, способом)

jol, usıl, ádis, tásil