tana

тана

встречается в 8 словарях JSON В диалектах Все результаты поиска

Толковый словарь узбекского языка

taʼna

ot 1. Xatolik, ayb yoki kamchilikni betga solib yoki kamsitib aytilgan gap, qilingan xatti-harakat va shu kabilar

Achchiq taʼna.

Gunohkor boʻlmay turib, oʻz sevgilingdan oʻrinsiz taʼnalar eshitsang. — J. Jabborov, Sevinch yoshlari

Keksa bogʻbonning samimiy soʻzlari ham taʼna, ham tanbeh edi. — Sh. Rashidov, Boʻrondan kuchli

Bobo, bu gapga qanday tiling bordi, deganday unga taʼna bilan qaradi-da, bosh chayqadi. — S. Yunusov, Kutilmagan xazina

2. Minnat, haqorat, malomat tarzidagi gap-soʻz.

— Yoʻqchilik jonimga tegdi, — dedi bolali xotin, — boyvachchalarning xotinlariga kir yuva-yuva oʻlib boʻldim. Itdek mehnat qilib, bir burda nonlarini taʼna bilan yedim. — S. Zunnunova, Gulxan

Agar kuchim, quvvatim yetsa, odamlarning jon olgʻuchi taʼnalariga yana chidash berar edim, lekin majolim qolmadi. — M. Ismoiliy, Fargʻona tong otguncha.

Taʼna qilmoq Taʼna tarzidagi gap-soʻz aytmoq. Xasis deb taʼna qilmoq.Yoʻldosheva rabfakda oʻqib yurganida, mahallada paranji yopinib yurgan boʻlishi mumkin, buni hozir taʼna qilishda hech qanday maʼno yoʻq. — A. Qahhor, BekHamkasblari Mansabdor boʻlib, mensimay ketdi, deb taʼna qilishlaridan oʻzini ehtiyot tutardi. — R. Fayziy, Hazrati inson

tana I

ot 1. ayn. Tan 1 — 4.

Erta koʻklam boʻlgani uchun, bahor quyoshi tanalarga yogʻday yoqadi. — E. Raimov, Ajab qishloq

Bir qilich zarbi bilan boshini tanasidan judo qildi. — P. Qodirov, Yulduzli tunlar

Shundan keyin bir oz tanasi yayrab, tarang tortilgan asablari boʻshashib, Xayriyat! deb qoʻydi. — K. Yashin, Hamza

Chopib bordim qoshiga, Sulayib yotar tanasi, Olti gaz nari joyda Vafodorim kallasi. — Oysuluv

2. Jonivorlarning jismi, jussasi.

Ilonning qanday suv ichishini kamdan-kam koʻrish mumkin. U tanasini goh shishirib, goh puchaytirib, ogʻir nafas olardi. — Fan va turmush

3. Daraxtning, oʻsimlikning tag, poya qismi.

Hovuzning toʻrt tomonida yoʻgʻon-yoʻgʻon qayragʻochlar, tanalari qulochga sigʻmaydi. — J. Sharipov, Xorazm

4. tex. Turli asbob, mashina va shu kabilarning boʻlaklarini tutib turuvchi qismi.

Kranning tanasi.

Tanangga oʻylab koʻr (yoki qara) Yaxshilab oʻylab, muhokama, mulohaza qilib koʻr. Jahlimdan tushganimdan keyin shunday tanamga oʻylab qarasam, bechora oʻrtogʻimdan unchalik qattiq gina qilishning hojati yoʻq ekan. — A. Qahhor, Xotinlar

tana II

ot Bir-ikki yoshli urgʻochi buzoq.

Ha, oʻsha yili dadam bilan kolxoz tanalarini boqdik. — S. Anorboyev, Yoʻlda yoʻldosh boʻlganlar

Ketayotir navkarlar Soʻna quvgan tanaday. — Oysuluv

Узбекско-турецкий толковый словарь

TAʼNA

Boshqadan oʻtgan xatolik, ayb yoki kamchilikni uning yuziga solib aytilgan gap.YÜZÜNE VURMA, KINAMA

Русско-узбекский и узбекско-русский словарь

taʼna

посл. порицание, упрёк, укор

taʼna yoʻli tordir, toygʻoqlari bordir (букв. путь порицаний узок, можно и поскользнуться) соотв. других не суди, на себя погляди