Suvni xlorlash

zararsizlantirish (dezinfeksiya) maqsadida ichimlik va oqova suvlarga xlor bilan ishlov berish. Ichimlik suvlarini ozonlashtirish (ozon bilan ishlov berish) maʼqulroqdir, chunki S.x. ayrim hollarda mutagenlar va kanserogenlar hosil boʻlishiga olib keladi.

suvni xlor va uning birikmalari bilan ishlash. Suvni zararsizlantirishning eng keng tarqalgan usuli; ozod xlor va uning birikmalarining mikroblarning ferment tizimini ezish, oksidlash-tiklash jarayonlarini katalizatsiya qilish qobiliyatiga asoslangan. Ichimlik suvini zararsizlantirish uchun xlor, xlor ikki oksidi, xloramin va xlorli ohak qoʻllaniladi. Suv xlorlanganidan soʻng unga tushgan mikroblarni yoʻq qilish uchun xlorni ortigʻi bilan (qoldiq xlor) qoʻshiladi. Ayrim hollarda suvni ikkilangan xlorlash oʻtkaziladi: tozalashga qadar (dastlabki S.x.) va undan keyin (yakuniy S.x.), suv xlorlanganidan soʻng unda yoqimsiz hid va taʼm berishi mumkin boʻlgan moddalar boʻlsa, S.x. dan avval ammiak yoki ammoniy tuzlari bilan ishlov beriladi. Ichimlik suvini dala sharoitida zararsizlantirish, oqova suvlarni, suzish basseynlari suvini zararsizlantirish, rangini yoʻqotish uchun ham xlorlash qoʻllaniladi.