совуқлик

от 1. Ҳарорати, температураси паст эканлик.

Ҳавонинг совуқлиги. Уйнинг совуқлиги.

2. айн. Совуқ 1.

Манглайида совуқлик ҳис этиб, Кумуш кўзини очди. — А. Қодирий, Ўтган кунлар

3. Совуқ гап, муомала, қилиқ; ёқимсизлик; қўполлик. Қилиқнинг совуқлиги.

Гапининг қўрслиги, муомаласининг совуқлиги учун қишлоқилар уни Соли совуқ деб атардилар. — М. Исмоилий, Фарғона тонг отгунча

Ҳозир унинг [Сидиқжоннинг] кўзига жувон бирон совуқлиги билан эркакни ўзидан қочирадиган қари қиз эмас, кўп йигитларни ўзига шайдо қилган бир нозанин бўлиб кўринди. — А. Қаҳҳор, Қўшчинор чироқлари

4. айн. Совуқчилик.

Орага совуқлик солмоқ.

[Ёрқиной] Дадасининг терс юрганидан қайнонаси олдида ўзини гуноҳкор сезарди. Хайрият, орадаги совуқлик хийла юмшабди. — Р. Раҳмон, Меҳр кўзда

5. Халқ табобатида: паст калорияли ов-қатлар (ёвғон хўрда, сут-қатиқ, сабзавот ва шу кабилар); зид. иссиқлик 3.

— Э, чойи кабуд, мижозга совуқлик қилур, — деди у. — М. Исмоилий, Фарғона тонг отгунча

1. suwıqlıq, salqınlıq

2. қ. совуқчилик

холод, прохлада

н cool, coolness