СКЛАДЧАТОСТЬ (СИНМЕТАМОРФИЧЕСКАЯ) ГЛУБИННАЯ

yuqori bosim va temperaturali sharoitlarda yuqori plastik holatdagi jinslarning stress taʼsirida oqishidan paydo boʻladigan burmalar. Moddalarning siljishi yopishqoq plastik holatdagi oqim koʻrinishida boʻlib, oʻzi bilan butun massani ilashtirib ketadi. Bunday turdagi burmalanishlar platforma poydevoridagi kembriy davrigacha hosil boʻlgan qalin qatlamlarda va fanerozoyning burmalangan togʻ inshootlari yadrosida keng tarqalgan. Katta chuqurliklarda burmalanishlarni yuzaga keltiradigan stress koʻpincha gorizontal yoki vertikal yoʻnalishda taʼsir etadi. Birinchi holatda vertikal, ikkinchi — gorizontal oqim burmalanishi yuzaga keladi. Vertikal oqim burmalanishi gorizontal yoki unga yaqin kuchlanishlar taʼsirida paydo boʻlib juda keng tarqaladi. Bu jarayonda chuqurlik yoriqlari boʻylab yer poʻsti (litosfera)ning yirik segmentlari siljiydi, unga muvofiq gorizontal siqilish taʼsirida yer poʻsti (litosfera)ning yirik boʻlaklari yuqoriga siqib chiqariladi. Bunday hodisalar litosfera plitalari chegarasida sodir boʻladi. Vertikal oqim burmalari chiziqsimon qiyofada namoyonlanishi, burma kulfi oʻtkir burchakliligi, oʻq yuzasi tik joylashganligi, oʻq yuzasiga parallel joylashgan slaneslanish va klivajning rivojlanishi bilan ajralib turadi. Gorizontal oqim burmalanishi stressning vertikal yoʻnalishidagi taʼsiridan vujudga kelib, magmatik massani yuqoriga siljishi natijasida umumiy koʻtarilish yuzaga keladigan joylarda rivojlanadi. Yuqorida joylashgan qatlamlardan tushayotgan bosim pastdan tepaga qarab siljiyotgan massaga qarshilik koʻrsatadi, natijada suyuq massa gorizontal yoki biroz qiya yoʻnalishda notekis hara-, Chuqurlik (sinmetamorfik) burmalanish