sira
сираsira I
ot 1. Aslo, asti, mutlaqo, hech.
Buning sira iloji yoʻq.
Ahmad bu gapni sira kutmagan edi, tok urgandek eti jimirlashib ketdi. — F. Musajonov, Himmat
Avji qish vaqti boʻlsa ham, yerda sira qor yoʻq. — S. Zunnunova, Yangi direktor
U oʻtirganlardan sira man tortmasdan sheʼrini baland ovoz bilan yoddan oʻqidi. — K. Yashin, Hamza
2. faqat boʻlishsiz feʼl bilan) (Hech qachon, hech vaqt.
Endi bu yerga sira kelmayman.
Bari bir, men Gulnor opani unutmayman sira, uni koʻrgani tez-tez kelib turaman. — Oybek, Tanlangan asarlar
Kanal ochilgan kun esingizda bormi? Kanaldan oqqan chiroqlar koʻz oldimdan sira ketmaydi. Bu oʻyin emas, xalqning orzusi edi. — A. Qahhor, Qoʻshchinor chiroqlari
3. faqat soʻroq gaplarda Biror marta, hech.
— Shahodat muftingizning aftiga sira qaraysizmi. Shoiringizning pichinglarini payqaysizmi? — dedi Anvar Sultonaliga. — A. Qodiriy, Mehrobdan chayon
Siz otamisiz, nimasiz axir, oʻgʻlingizni tiyib olish sira esingizga keladimi? — A. Qodiriy, Oʻtgan kunlar
- Sirasini aytganda Toʻgʻrisini aytganda, gapning toʻgʻrisi. Sirasini aytganda, poytaxtlik konstruktorlar bizga yordamga kelishadi, deb oʻylamagan edik. — Gazetadan
sira II
ot 1. Muntazam, izchil qator; ketma-ketlik, tartib, navbat.
Sonlar sirasi.
2. Saf, qator.
Piyodalar sirasida keksa muarrix va shoir Mirzo, Tabibiy, Bayoniy koʻrindi. — S. Siyoyev, Yorugʻlik
3. koʻchma Qator, tarkib.
Har holda, shaxmat har qanday oʻyindan shu qadar katta farq qiladiki, bu farq shaxmatni uzil-kesil oʻyinlar sirasiga qoʻshishga imkon bermaydi. — M. Muhitdinov, Miya gimnastikasi
Mulla Abdurahmon Raʼnoning erga berilganligining xabarini eshitgach, bu tasodifni istiqbolning xayrli follari sirasiga kiritdi. — A. Qodiriy, Mehrobdan chayon
4. Fikrning, gapning asosiy mazmuni, mohiyati, magʻzi; gapning poʻskallasi.
— Soʻzlamayman, —dedi Toʻybeka [Kumushga], —lekin sirasini soʻzlayman. Oh, koʻrsang edi bir kuyovni! — A. Qodiriy, Oʻtgan kunlar
— Gapning sirasini aytaqolsangiz-chi, xolajon, — de-dim nihoyatda chidamay. — T. Alimov, Toʻy qoldi