sidirmoq

сидирмоқ

4 ta lugʻatda uchraydi JSON Shevalarda Barcha qidiruv natijalari

Izohli lugʻat

sidirmoq

fl. 1. Qoʻl barmoqlari yoki kaftni bosib, bir tomonga harakatlantirmoq.

Ergash qizargan yuzini kafti bilan sidirib qoʻydi — A. Muxtor, Opa-singillar

Rahim Saidov titroq qoʻllari bilan son tolasini yuz-koʻzi aralash sidirib, kichkina yostiqcha bilan bitta boʻlib yotgan sochlariga sekin qoʻshib qoʻydi. — U. Umarbekov, Yoz yomgʻiri

2. Qoʻl barmoqlari bilan tortib yoki surib tushirmoq, tozalamoq.

Paypoqni sidirib, toʻpiqqa tushirmoq.

— Yomonlikka yaxshilik, — dedi oʻt yonida diydirab oʻtirgan Ubbiniyoz soqolidagi loyni sidirib. — A. Muxtor, Qoraqalpoq qissasi

— Hozir juda qornim ochdi, — dedi Turgʻunboy peshonasidan terlarini sidirarkan. — T. Ashurov

3. Artib, qirib yoki koʻchirib olib tashlamoq.

Bu yerda maydonning har bir qatlami sidirib olinib, takir yerda 500 mashina sigʻadigan katta avtobaza qurilayotgan ekan. — S. Siyoyev, Yorugʻlik

Boʻtaboy ariq chetlaridagi oʻtlarni ketmonlab sidirdi. — S. Ahmad, Hukm

Ovni nima qilaman! deb oʻyladi Yodgor non ushoqlarini sidirib olarkan. — Oʻ. Hoshimov, Qalbingga quloq sol

4. koʻchma Olib tashlamoq; xoli qilmoq; ketkazmoq.

Eng musaffo xayol boʻlib ishq, Qiz qalbidan sidirdi dogʻni. — O. Hojiyeva

Kulgi yuraklardagi gʻashlikni sidirdi. — M. Ismoiliy, Bizning roman

Sidirib solmoq Jerkib bermoq, koyimoq. - Sanobar bilan bir oz hazillashdik, kulishdik. Oʻshanda uning kennoyisi zarda bilan uni chaqirib, yigit kishining oldida hadeb hingillayverasanmi, deb sidirib solgan edi, — dedi Bahrom. — M. Qoriyev, Oydin kechalar
Yuzini (yoki betini) sidirib tashlab Andisha qilmasdan, uyatni yigʻishtirib qoʻyib.

Ruscha-oʻzbekcha va oʻzbekcha-ruscha lugʻat

sidirmoq

1. стирать, сметать

2. сдирать, обдирать

Inglizcha-oʻzbekcha, oʻzbekcha-inglizcha lugʻat

sidirmoq

n strip, scrape

Oʻzbekcha-qoraqalpoqcha lugʻat

SIDIRMOQ

1. sıyırıw, sıpırıw

2. súrtiw, tazalaw, artıw

3. qırıp, sıyırıp alıw