сидирмоқ

sidirmoq

4 та луғатда учрайди ЖСОН Шеваларда Барча қидирув натижалари

Изоҳли луғат

сидирмоқ

фл. 1. Қўл бармоқлари ёки кафтни босиб, бир томонга ҳаракатлантирмоқ.

Эргаш қизарган юзини кафти билан сидириб қўйди — А. Мухтор, Опа-сингиллар

Раҳим Саидов титроқ қўллари билан сон толасини юз-кўзи аралаш сидириб, кичкина ёстиқча билан битта бўлиб ётган сочларига секин қўшиб қўйди. — У. Умарбеков, Ёз ёмғири

2. Қўл бармоқлари билан тортиб ёки суриб туширмоқ, тозаламоқ.

Пайпоқни сидириб, тўпиққа туширмоқ.

— Ёмонликка яхшилик, — деди ўт ёнида дийдираб ўтирган Уббиниёз соқолидаги лойни сидириб. — А. Мухтор, Қорақалпоқ қиссаси

— Ҳозир жуда қорним очди, — деди Турғунбой пешонасидан терларини сидираркан. — Т. Ашуров

3. Артиб, қириб ёки кўчириб олиб ташламоқ.

Бу ерда майдоннинг ҳар бир қатлами сидириб олиниб, такир ерда 500 машина сиғадиган катта автобаза қурилаётган экан. — С. Сиёев, Ёруғлик

Бўтабой ариқ четларидаги ўтларни кетмонлаб сидирди. — С. Аҳмад, Ҳукм

Овни нима қиламан! деб ўйлади Ёдгор нон ушоқларини сидириб оларкан. — Ў. Ҳошимов, Қалбингга қулоқ сол

4. кўчма Олиб ташламоқ; холи қилмоқ; кетказмоқ.

Энг мусаффо хаёл бўлиб ишқ, Қиз қалбидан сидирди доғни. — О. Ҳожиева

Кулги юраклардаги ғашликни сидирди. — М. Исмоилий, Бизнинг роман

Сидириб солмоқ Жеркиб бермоқ, койимоқ. - Санобар билан бир оз ҳазиллашдик, кулишдик. Ўшанда унинг кеннойиси зарда билан уни чақириб, йигит кишининг олдида ҳадеб ҳингиллайверасанми, деб сидириб солган эди, — деди Баҳром. — М. Қориев, Ойдин кечалар
Юзини (ёки бетини) сидириб ташлаб Андиша қилмасдан, уятни йиғиштириб қўйиб.

Русча-ўзбекча ва ўзбекча-русча луғат

сидирмоқ

1. стирать, сметать

2. сдирать, обдирать

Инглизча-ўзбекча, ўзбекча-инглизча луғат

сидирмоқ

н strip, scrape

Ўзбекча-қорақалпоқча луғат

СИДИРМОҚ

1. sıyırıw, sıpırıw

2. súrtiw, tazalaw, artıw

3. qırıp, sıyırıp alıw