shoʻralamoq

fl. 1. Poʻst tashlamoq, quruqshamoq (badanda, yuz-koʻzda hosil boʻladigan yengil teri kasalligi haqida.)

Kichkintoyingizning yuzi shoʻralab yoki quruqlashib ketmasin desangiz, uning yuzini sovun bilan koʻp yuvmang. — Gazetadan

2. ayn. Shoʻrlamoq 1.

Bolaning aʼzoyi badani shoʻralab ketibdi.

Pastdagi ikki xonaning gʻishtlari zaxkashlikdan shoʻralab, oqarib ketgan. — Mirmuhsin, Umid

[Roʻzimat otaning] Bor bisotidagi bitta choponining ham bari yirtiq, doʻppisining jiyagi shoʻralab ketgan edi. — H. Tursunqulov, Hayotim qissasi

3. s. t. Shoʻra oʻsimligi bilan qoplanmoq, shoʻrazorga aylanmoq (yer haqida).

Qarovsiz qolgan dala shoʻralab ketadi.

fl. Gullash oldidan shoʻra, gʻuncha hosil qilmoq, shoʻra chiqarmoq (tok haqida).

Toklar zangidan bargigacha shovul-shovul shoʻralapti, oʻriklar-chi, shoxi gʻoʻralapti Bogʻ mevasi olgan bilan odosh boʻlmapti. — Yo. Shukurov, Uch savol

Tokim shoʻraladi, zangi suv ochib, Barglar qoʻltigʻida ingichka novda. — S. Akbariy