шинам

сфт. 1. Кишининг баҳридили очиладиган, кўркам; ихчам ва қулай (жой ҳақида).

Шинам хона.

Охирги бекатда шинамгина чойхона ҳам бор экан. — Н. Фозилов, Дийдор

Қатортолликлар чиройли ва шинам уйларни кўргач, юраклари севинч-қувонч билан тўлиб-тошди. — Ш. Рашидов, Бўрондан кучли

Кавушдўз Исоқ отанинг шаҳар таш-қарисида уч таноб келадиган шинам боғи бор. — М. Осим, Тилсиз гувоҳ

Боғда ҳовуз бўйларидаги шинам шийпонларга ёзилган дастурхонлар ёзилганича қолиб кетибди. — О. Ёқубов, Диёнат

2. Ярашиб тушган; ярашиқли, ихчам.

Қабулга келган қиз шинамгина туфлисининг баланд пошналарини тақиллатиб, стул олдига юриб келди-да, атлас кўйлагининг этакларини астагина йиғиштириб, ноз билан стулга ўтирди. — Ш. Рашидов, Бўрондан кучли

Бўлис буларнинг ҳаммасини яхши танийди, бироқ Ўтапнинг ёнида ўтирган ўрта бўйли, озғингина, шинам кийинган йигит унга нотаниш. — Ҳ. Ғулом, Машъал

Бу завқ Дулдулбекнинг гўштдор шолғом бурнини ҳам чимчилаб қўйгандек шинам ва гўзал қилиб кўрсатарди. — Мирмуҳсин, Сўгал

3. Хуш ёқадиган, ёқимли, мароқли.

Унинг шинам овози гўё “Кўча боғи“ учун, Кўча боғининг мафтункор оҳанги эса Ғуломжон учун яратилгандек янграр эди. — М. Исмоилий, Фарғона тонг отгунча.

Яшил уватларда завқли қўшиқлар, Шавқли ҳангамалар бўлар кўп шинам. — Ғ. Ғулом

1. Кишининг баҳри-дили очиладиган, кўркам; ихчам ва қулай.ŞİRİN

2. Хуш ёқадиган, ёқимли, мароқли.İÇAÇICI

уютный, удобный, уютно, удобно

• шинам уй уютная комната

а comfortable, cosy, neat

• шинам уй a cosy room (house)

1. ıqsham, kórkem, qolay

2. jarasıqlı, shaq, shaǵın, qayım

3. jaǵımlı, jaǵatuǵın, súykimli, jaǵımtallı

↑ bequem, gemütlich

cosy

русчауютный, удобный, уютно, удобноинглизчаcosy, comfortable, convinient, cosily, comfortably, convinientlyфрансузчаcomfortable, commode, agréable, commodément, confortablementарабчаمُرِيحٌ